تورکیه نینگ مطبوعات خلاصه لری

خبرتورک گزیته سی: " ایردوغان پوتین بیلن اوچره شدی" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان بیلن روسیه دولت باشلیغی ویلادیمیر پوتین قزاقستان نینگ پایتختی آستانه ده اوچره شدی. ایردوغان مرسین ولایتیده ساختمانی دوام ایتیب تورگن آق قدوق نوکلر سنترالی نینگ بیرینچی توربینی نینگ کیلگوسی ییل نینگ ایلک آیلریده فعال بولیشی نینگ دنیاگه جوده فرقلی انعکاس قیله جگینی، سینوپ ولایتیده قوریلیشی ریجه لنگن نوکلر سنترالی بوییچه آدیم آتیلگنده جوده یخشی بوله جگینی ایتدی. پوتین ایسه تورکیه نی اینگ بویوک گاز مرکزی قیلیش نیتیمیزنی بیلدیردیک" دیدی. 

ستار گزیته سی:" پوتین: حبوبات آلگن اولکه لرنینگ ایردوغان گه منتدارچیلیک بیلدیریشی کیره ک " سرلوحه سی بیلن خبر بیردی.

خبرگه کوره روسیه دولت باشلیغی ویلادیمیر پوتین اوکراین حبوباتی نینگ حلی هم کیچیک بیر بولیمی نینگ قشاق اولکه لرگه بارگن لیگینی بیلدیردی. پوتین استانبول کیلیشووی دایره سیده اوکراین حبوباتینی الگن اولکه لرنینگ جمهور باشلیغی ایردوغانگه منتدارچیلیک بیلدیریشی کیره ک لیگینی ایتدی. 

یینی شفق گزیته سی: " زلنسکی تورکیه گه منتدارچیلیک بیلدیردی " سرلوحه سی بیلن خبر بیردی.

خبرگه کوره، اوکراین دولت باشلیغی ویلادیمیر زلنسکی اوکراین و روسیه  اورته سیده گی اسیر المه شوویده گی واسطه چیلیگی طفیلی تورکیه گه منتدارچیلیک بیلدیردی. اوکراین رهبری "ازفوستالده گی بعضی بیر اسیرلرنینگ آزاد ایتیلیشیده بیزگه یاردم ایتگن تورک ییتکچیلرگه منتدارچیلیک بیلدیرماقچی من" دیدی.

حریت گزیته سی:" اقتصاد تورغونلیگی بولمه گن یگانه اولکه تورکیه دیر" سرلوحه سی بیلن خبر بیردی.

خبرگه کوره تورکیه جمهوریتی مرکز بانکی باشلیغی شهاب کاوچی اوغلی اروپا قاله ویرسه انچه اولکه ده اقتصادی تورغونلیک بولگن لیگینی بیلدیردی. تورک اقتصادی توزومی نینگ یوتوغی گه دقت تارتگن کاوچی اوغلی اقتصاد تورغونلیگی بولمه گن یگانه اولکه تورکیه دیر" دیدی.

وطن گزیته سی: "توگ 29 اکتوبرده چیقه دی" سرلوحه سی بیلن خبر بیردی.

خبرگه کوره، وطنی اتوموبیل توگ نینگ بورسا ولایتی نینگ گملیک تومنیده جایلشگن فابریکه سی 29 اکتوبرده جمهور باشلیغی ایردوغان نینگ قتنشیشی بیلن آچیله دی. تیارلنیب چیقه دیگن ایلک مودل برقی سی -سوو، 5 آیلیک سینشلرنینگ آرتیدن مارچ 2023 ییلیده ساتیش گه قوییله دی. سی -سوو 15-18 آی دوامیده فقط ایچکی بازار آرتیدن اروپاگه ساتیله دی.