تورکیه نینگ مطبوعات خلاصه لری

حریت گزیته سی: " ایردوغان تعلیم بوییچه فرصت تینگ لیگینی تاکییدله دی" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان بیرلشگن ملتلر تشکیلاتی کینگشیده اویوشتیریلگن تعلیم اوزگرتیریلیشی جلسه سیده قیلگن صحبتیده تعلیم نینگ نینگ فرصت تینگ لیگینی تاکییدلب "قیزلر مکتب گه برینگ" شعاری بیلن قیز باله لریمیزنی تعلیم آلیش گه تشویق ایتیب تعلیم آلیش نی 90 فایزگه چیقردیک" دیدی. 

یینی شفق گزیته سی:" اوکتای پلوسی نینگ ارمنستانده گی بیاناتلرینی قاره له دی" سرلوحه سی بیلن خبر بیردی.

خبرگه کوره جمهور باشلیغی اورینباسری فواد اوکتای امریکا قوشمه ایالتلری نماینده لر مجلسی باشلیغی نانسی پلوسی نینگ ارمنستانده گی بیاناتلرینی قاره له دی. اوکتای پلوسی نینگ "تاریخی و بوگونگی کونده گی وضعیت گه ماس بولمه گن، یخشی نیتدن بوتونله ی اوزاق، طرفدارلیک یانداشووینی کورستگن و دیپلوماتیک اورونیشلرنی یوق قیلگن بیاناتلر اصلاً قبول ایتیلمه یدی" دیدی.  

صباح گزیته سی:" امینه ایردوغانگه امریکا قوشمه ایالتلریده مکافات بیریلدی" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان نینگ تورموش اورتاغی امینه ایردوغان، امریکا قوشمه ایالتلری مسلمان تشکیلاتلر کینگشی تامانیدن نیویورکده اویوشتیریلگن مراسمده اجتماعی پروژه لر، تعلیم، اطرافنی سقلش و انسانی یاردم ساحه لریده مسلمان خاتین – قیزلرگه بیریلگن "خلق ارا تینچلیک و همجمعیت گه حصه قوشیش مکافتینی" نی آلدی.

خبرتورک گزیته سی: "ایلک مرته فضاگه سفر اوچون امریکالیک شرکت بیلن قول قوییلدی" سرلوحه سی بیلن خبر بیردی.

خبرگه کوره، صنایع و تکنالوجی وزیری مصطفی ورنک پاریسده اکسیوم فضاسی شرکتی بیلن ایلک تورک فضا یولاوچیسی نینگ تعلیم و اوچیش خذمتی اوچون کیلیشووگه قول قوییلگن لیگینی بیلدیردی.

ستار گزیته سی: "آقین قیلیب تورکیه گه کیلماقده لر" سرلوحه سی بیلن خبر بیردی.

خبرگه کوره، انرژی بحرانیدن کیین ساووقدن قورققن اروپالیکلر قیش نی تورکیه ده اوتکزه دی. مصرفلری 10 قواتدن کوپ بولگن  اروپالیکلر قیش نی تورکیه ده اوتکزیش اوچون تورکیه ده گی هوتللرگه آقین ایتماقده. نوامبرده جای اجره تیشلر 50 فایزگه آشدی.