تورکیه نینگ مطبوعات خلاصه لری

حریت گزیته سی: "یونان ایگه ده ینگی تحریک که قول اوردی" سرلوحه سی بیلن خبر بیردی.

خبرگه کوره یونان اوتگن ییل تورک هوا ساحه سی و سوو ساحه لرینی توپلم 1616 مرته اخلال قیلیب راحتسیز ایترکن، شونده بولیب جاری ییل نینگ سیکیز آییده 1123 ییتدی. تورک جیتلری 14 ته ایریم حادثه ده 3 مینگ 372 ثانیه رادار تعقیب حادثه سیگه دوچ قالدی.

صباح گزیته سی: "بوسنیا رهبری دافروویچ جمهور باشلیغی ایردوغان نی مقتب گپیردی"  سرلوحه سی بیلن خبر بیردی.

خبرگه کوره بوسنیا هرزگوینا دولت رئیسلیک کینگشی باشلیغی سیفیک دافروویچ، جمهور باشلیغی رجب طیب ایردوغان 6 سپتامبرده بوسنیا هرزگویناگه قیله دیگن سفری نینگ اهمیتی گه تماس قیلیب "بو سفر ایککی اولکه اورته سیده گی اقتصادی مناسبت نینگ رواجلنتیریلیشی جهتیدن جوده اهمیت گه سزاوار. جمهور باشلیغی ایردوغان بوسنیا هرزگویناگه قیلگن هر سفریده تینچلیک و توازن برقرار بولگن دیر" دیدی.

ستار گزیته سی:" تورک مدافعه صنایعی اروپاگه باره دی" سرلوحه سی بیلن خبر بیردی.

خبرگه کوره تورک مدافعه صنایعی شرکتلری اورته و شرقی اروپانینگ اینگ بویوک حربی کورگزمه سی MSPO 2022 ده اورین آله دی. 6-9 سپتامبرده پولندنینگ کیئیلجه شهریده اویوشتیریله دیگن کورگزمه گه تورکیه ایککینچی ییتکچی اوله راق قتنشه دی.

خبرتورک گزیته سی: " قونیه ده تورک تاریخی اوچون مهم کشف"  سرلوحه سی بیلن خبر بیردی.

خبرگه کوره قونیه ده جایلشگن سواترا انتیک شهر قازوو ساحه سیده اسلامدن آلدینگی تورک تاریخی گه عاید ایلک مرته تورک کلمه سی اورین آلگن رونیک الفباسی بیلن «تورک اوغلی» یازیلگن بیر آبده تاپیب آلیندی. میلاددن کیین 10-11 – عصرگه تیگیشلی آبده نینگ 1071 دن آلدینگی اناطولیده تورک موجودیتینی کورسته دی.

یینی شفق گزیته سی: "پاموق قلعه گه کیلگن سیاح سانی 64 فایز کوپه یدی" سرلوحه سی بیلن خبر بیردی.

خبرگه کوره یونسکو دنیا میراثی رویخطیده اورین آلگن پاموث قلعه ده 8 آیلیک سیاح سانی اوتگن ییل نینگ خوددی شو باسقیچی گه کوره 64 فایز کوپه ییب 1 میلیون 285 مینگ 990 بولدی.