تورکیه مطبوعاتیدن خلاصه لر 23.06.2022

ستار روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه گه کیلگن سعودی عربستان ولیعهد شهزاده سی محمد بن سلمان بیلن یکّه مه یکّه اوچره شگن لیگی نی بیلدیرماقده. 

خبرده, اوچره شوو آرتیدن ترقه تیلگن اورتاق بیلدیروده, سیاسی, اقتصادی, حربی و امنیتی ساحه لر بوییچه ایکله اولکه اورته سیده ینگی بیر همکارلیک دوری نینگ باشله شی بوییچه قاطعیت نینگ اورغولنگن لیگی نینگ بیلدیریلگن لیگی معلوم قیلینماقده.

حریت روزنامه سی, تورکیه جمهوریتی جمهوررئیسلیک ارتباط لر باشقرمه سی نینگ باشلیغی فخرالدین آلتون نینگ, "سویدن نینگ ناتو اعضالیگی بوییچه مثبت فکر بیلدیریش, هر قنده ی بیر هجوم بولگنده سویدن نینگ حقی نی مدافعه ایتیش بوییچه تعهد قیله دیگن لیگی میز معنی سی گه کیلماقده.  سویدن اوچون بونده ی بیر مسئولیت آله دیگن بولسک اگر توپلنگن پول لر بیلن تورک وطنداش لری گه ترورچیلیک هجومی اویوشتیریلمه یدیگن لیگی, سوریه ده یاکه عراق ده گی تروریزم مرکز لری دن سویدن قورال لری نینگ تاپیلمه یدیگن لیگی بوییچه انیق روشده کوندیریلیشی میز کیره ک" دییه قید ایتگن لیگی نی یازماقده. 

ینی شفق روزنامه سی, حبوبات یوکلنگن کیمه لرنینگ اوکراین دن چیقیشی اوچون آلیب باریلیاتگن دیپلماتیک فعالیت لر دایره سیده تورک و روس هیئت لری نینگ مسکوده اوچره شگن لیگی نی معلوم قیلماقده. 

خبرده, اوشبو اوچره شوو نینگ دستلبکی ثمره سی نینگ کورینه باشلنگن لیگی معلوم قیلینرایکن, شونده ی قیلیب تورک یوک کیمه سی نینگ اوکراین دن چیققن لیگی گه دقت قره تیلماقده. 

وطن روزنامه سی, تورکیه نینگ دستلبکی سوو آستی تست زیربنا سی (DATA) نینگ عملی بولگن لیگی نی ایسلتماقده. 

خبرده, تست پلتفرمی بولگن DATA نینگ, سوو آستی کیمه سی گه ضرورت بولمسدن سوو آستی مهمات لری نینگ تست ایتیله دیگن لیگی ایسله تیلماقده. 

روزنامه, تورکیه جمهوریتی صنایع و تکنالوژی وزیری مصطفی وارانک نینگ, " DATA, مهم مهمات لرنینگ رواجلنتیریلیشی نی جدللشتیره دی" دییه قید ایتگن لیگی نی یازماقده. 

صباح روزنامه سی, زراعت و اورمان وزیری نینگ اورینباسری ابوبکر گیزلی گیدر نینگ, استانبولده گی 8- تورک- عرب غذا و غذا تکنالوژی لری کورگزمه سیده, "زراعتی حاصلات بوییچه تورکیه اوروپا ده بیرینچی, دنیا ده ایسه اونینچی اورین ایگلله ماقده" دییه قید ایتگن لیگی نی بیلدیرماقده.