تورکیه مطبوعاتیدن خلاصه لر 22.06.2022

صباح روزنامه سی, تورکیه جمهوریتی جمهوررئیسی رجب طیب اردوغان نینگ, توناون, تلفن آرقه لی, انگلستان و استونیا باش وزیر لری بوریس جانسون و کایا کالاس بیلن سوزله شگن لیگی نی بیلدیرماقده. 

خبرده, تورکیه جمهوریتی جمهوررئیسلیک ارتباط لر باشقرمه سی تامانیدن بیریلگن بیاناتده, اوشبو صحبت لرده, منطقه مقیاسیده گی مسئله لردن تشقری, اوکراین ده گی حبوبات بحرانی حقیده هم بحث ایتیلگن لیگی بیلدیریلماقده. 

ستار روزنامه سی, خلق ارا حبوبات مسئله سی نینگ ییچیلیشی اوچون استانبولده تورت تامانلمه بیر رهبر لر ییغیلیشی نینگ بولیب اوته دیگن لیگی نی معلوم قیلماقده. 

خبرده, جمهوررئیسلیک منبع لری دن آلینگن معلومات لر گه کوره, اوشبو ییغیلیشده اوکراین و روسیه هیئت لری دن تشقری, بیرلشگن ملت لر تشکیلاتی عمومی سکرتری نینگ هم اشتراک ایته دیگن لیگی ایسله تیلماقده. 

روزنامه, حبوبات بوییچه معما نینگ ییچیلیشی اوچون جاری هفته ده تورکیه جمهوریتی ملی مدافعه وزیرلیگی دن بیر هیئت نینگ هم روسیه گه کیته دیگن لیگی نی یازماقده. 

وطن روزنامه سی,  استانبول والیسی علی ییرلی قایه نینگ, اوتگن ییل نینگ خوددی شوو دوری بیلن سالیشتیریلگنده جاری ییل نینگ می آییده استانبول گه کیلگن توریست سانی نینگ 264,6 فایز گه آشیب 1 میلیون 402 مینگ 366 نفر گه ییتگن لیگی نی بیلدیرگن لیگی نی ایسلتماقده. 

خبرده, توریست لرنینگ اینگ کوپ آلمان, ایران, روسیه فدراسیونی, امریکا قوشمه ایالتلری و انگلستان دن کیلگن لیگی معلوم قیلینماقده.

خبرتورک روزنامه سی, کانگو کسل لیگی نی ایرته تشخیصلش بوییچه تورک عالم لرنینگ مهم فعالیت لر یوریتیاتگن لیگی نی بیلدیرماقده. 

خبرده, پروفیسر داکتر اوندر ارگونول بیلن همکارلری نینگ, کانگو کسللیگی نی ایرته تشخیصلش اوچون محلی پی سی آر تستی دن فایده له نیش نی هدف قیلیب آلگن لیگی ایسله تیلماقده. 

حریت روزنامه سی, تورک هوا یوللری نینگ, خلق ارا هوا ترانسپورتی اتفاقی اطراف – محیط نی بهالنتیریش پروگرامیده "اینگ یوقاری درجه گه" ایگه بولگن لیگی نی یازماقده.