تورکیه نینگ مطبوعات خلاصه لری

ستار گزیته سی: "ایردوغان: تورکیه اوله راق بو حساس وقتده تونس نینگ یانیده میز" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان تونسده یوزبیرگن حادثه لر بیلن تیگیشلی "سیلنگنلر مجلسی نینگ فسخ قیلینیشی، تونس نینگ کیلجگی اوچون خواطرگه سبب بولماقده و تونس خلقی نینگ اراده سیگه ضربه اوریلماقده دیر. تورکیه اوله راق بو حساس وقتده دوست و قرداش تونس و تونس خلقی نینگ یانیده بولیش گه دوام ایته میز" دیدی.

یینی شفق گزیته سی: تورکیه نینگ کیف بویوک ایلچی لیگی تامانیدن بوچه حقیده بیانات بیریلدی سرلوحه سی بیلن خبر بیردی.

خبرگه کوره تورکیه نینگ کیف بویوک ایلچی لیگی اوکراین نینگ پایتختی کیف نینگ یقینیده جایلشگن بوچه و ایرپین داخل تورلی منطقه لردن مطبوعاتگه چیققن تصویرلرنینگ "قورقینچ" ایکن لیگینی و معصوم تینچ اهالی نینگ هدف آلینیشی نینگ قبول ایتیلمس ایکن لیگینی بیلدیردی.

وطن گزیته‌سی: زلنسکی: تورکیه بیلن علاقه ده میز سرلوحه سی بیلن خبر بیردی.

خبرگه کوره اوکراین دولت باشلیغی ویلادیمیر زلنسکی اوکراینده روس کوچلری نینگ قولیدن تمیزلب آلینگن بوچه شهری سفری چاغیده ماریپولده گی سونگگی وضعیت حقیده "ماریپولده وضعیت جوده یمان. مین اردومیز بیلن علاقه ده من. تخلیه لر توغریسیده تورکیه بیلن علاقه ده میز. یقین پیتده جواب آله میز" دیدی.    

حریت گزیته سی: صادراتده تاریخی ریکارد اورنه تیلدی" سرلوحه سی بیلن خبر بیردی.

خبرگه کوره تجارت و زیری محمد موش مارچ آیی بیلن تیگیشلی تشقی تجارت راپورینی اعلان قیلدی. مارچ آییده صادرات 19.8 فایز کوپه ییب 22.7 میلیارد لیره گه ییتدی و جمهوریت تاریخی نینگ ریکاردی اورنه تیلدی.         

صباح گزیته سی: 62 ییلدن بیری ناتو قرارگاهی نینگ دیوارلرینی بیزه ماقده سرلوحه سی بیلن خبر بیردی.

خبرگه کوره تنیقلی رسام، یازووچی و شاعریمیز بدری رحمی ایوب اوغلی تامانیدن توزیلگن موزائیک دیوار 62 ییلدن بیری ناتو قرارگاهی بناسیده کورگزیلماقده. 1960 ییلی تورکیه دولتی تامانیدن او پیتلرده فرانسه نینگ پایتختی پاریسده جایلشگن ناتنو بناسیگه تحفه ایتیب بیریلگن موزائیک شو وقت ناتونینگ سونگگی آدرسی بولمیش بروکسلده قوریقلنماقده.