تورکیه مطبوعاتیدن خلاصه لر 03.03.2022

ستار روزنامه سی, عدالت و رواجله نیش حزبی نینگ سوزچیسی عمر چلیک نینگ, "اوکراین گه هجوم حقسیز بولیب و حقوققه ضد دیر. جمهوررئیسی میز اوکراین بحرانی نینگ ییچیلیشی بوییچه سعی و حرکت قیلماقده.  آتشکیسین نینگ تامین ایتیلیشی اوچون مذاکره لر دوام ایتماقده.  تورکیه دیپلماتیک جهت دن اینگ مهم اولکه دن عبارت" دییه قید ایتگن لیگی نی بیلدیرماقده. 

ینی شفق روزنامه سی, اوکراین هوا حدودی نینگ یاپیق ایکن لیگی سببلی موتر لر گه میندیریلیب رومانیا پایتختی بخارست گه کیتیریلگن تورک وطنداش لری نینگ طیاره بیلن تورکیه گه کیتیریلیاتگن لیک لری نی معلوم قیلماقده.

حریت روزنامه سی, میلادی 2016- ییلده یوروویژن قوشیق مسابقه سیده بیرینچی اوریننی ایگلله گن قیریم لیک تاتار قوشیقچی جماله نینگ, ایککی باله سی بیلن بیرگه باش پنه سوره ب تورکیه نینگ استانبول شهری گه کیلگن لیگی نی یازماقده. 

خبرده, بیرگن بیاناتیده جماله نینگ, جمهوررئیس اردوغان گه منتدارچیلیک بیلدیررایکن, "بیزنی تورک لر قوتقردی, استانبولدن رومانیا چیگره سی گه قدر کیلیب بیز نی سلامت بیر شکلده استانبول گه آلیب کیلدی لر" دییه قید ایتگن لیگی معلوم قیلینماقده. 

صباح روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, اردن لیک کسبداشی ایمن السفدی بیلن صحبت قیلیشی آرتیدن بیرگن بیاناتیده, "سوریه لیک لرنینگ سوریه گه کونگیللی بیر شکلده عودت قیلیش لری بوییچه بیرگه لیکده فعالیت یوریتماقده میز.  اوشبو توغریده وزیرلر سویه سیده بیر ییغیلیش گه هم استانبولده میزبان لیک قیلماقچی میز" دییه قید ایتگن لیگی گه دقت قره تماقده. 

وطن روزنامه سی, تورکیه جمهوریتی تجارت وزیری محمد موش نینگ, "اوتگن ییل نینگ خوددی شوو دوری بیلن سالیشتیریلگنده صادراتی میز جاری ییل نینگ فبروری آییده 25,4 فایز گه آشیب 20 میلیارد دالر گه کوتریلیب کیتدی.  بو رقم حاضرگی کون گه قدر فبروری آییده کورینگن اینگ یوقاری رقم دن عبارت" دییه ایتگن لیگی نی یازماقده.