تورکیه مطبوعاتیدن خلاصه لر 01.03.2022

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, سوریه ده 11 ییلدن بیری دوام ایتیاتگن تراژیدی, افغانستان, عراق, بوسنیا, رواندا, اراکان و لیبیا ده قان توکیلیشی نینگ اساسی سببی نینگ خلق ارا رهبریت و خوفسیزلیک تیزیمی دن عبارت ایکن لیگی نی بیلدیرگن لیگی نی معلوم قیلماقده. 

خبرده, اردوغان نینگ, "بیزنینگ 'دنیا بیش دن کتته' و 'ینه ده عادلراق بیر دنیا نینگ بولیشی ممکن' شکلیده گی سوز لر بیلن معلوم قیلیاتگن خلق ارا رهبریت تیزیمی ده گی معما هر حادثه ده اوزی نی عکس ایتتیرماقده" دییه قید ایتگن لیگی بیلدیریلماقده. 

حریت روزنامه سی, جمهوررئیس اردوغان نینگ, تورکیه نینگ منطقه سیده تینچلیککه طرفدار بولیب کیلگن بیر اولکه دن عبارت ایکن لیگی نی بیلدیررایکن, اوشبو سیاستی نی عراق, سوریه, قفقاز لر, قاره دینگیز و آق دینگیزگه قدر بولگن برچه ساحه لرده گی حادثه لرده دوام ایتتیرگن لیگی نی معلوم قیلگن لیگی نی یازماقده. 

خبرده, اردوغان نینگ, "قاره دینگیز نینگ شمالیده گی بحران بوییچه دوست لری میز بولگن اوکراین و روسیه اورته سیده گی معما نینگ هم مذاکره یولی بیلن ییچیلیشی نی طلب ایتدیک" دییه قید ایتگن لیگی گه دقت قره تیلماقده. 

خبرتورک روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, روسیه- اوکراین اوروشی آرتیدن ینه بیر بار کون ترتیبی گه کیلگن (میلادی 1936- ییلده امضالنگن) مونترو کیلیشووی و کیمه لرنینگ تنگه لردن اوتیشی بوییچه بیانات بیرگن لیگی نی معلوم قیلماقده. 

خبرده, چاووش اوغلی نینگ, "بیز مونترو حکم لری نی تطبیق ایته میز. (قاره دینگیز) قیرغاقده چیگره سی بولگن و بولمه گن بوتون اولکه لرنی تنگه لردن اوروش کیمه سی نی اوتکزمسلیک لری بوییچه آگاهلنتیردیک.  مونترو کیلیشووی نی تطبیق ایتدیک, بوندن کیین هم تطبیق ایته میز" دییه قید ایتگن لیگی بیلدیریلماقده. 

وطن روزنامه سی, اوکراین هوا ساحه سی نینگ یاپیلیشی آرتیدن 24- فبروری ده اوکراین و مالدوا گه اوچیش لری نی توخته تیب قویگن تورک هوا یوللری نینگ اوشبو مدت نی 15- مارچ گه قدر تمدید قیلگن لیگی نی یازماقده. 

خبرده, تورک هوا یوللری نینگ 2- مارچ گه قدر روسیه نینگ سوچی و روستو شهر لری بیلن بیر قطارده, بلاروس نینگ مینسک شهری گه هم اوچیش نی توخته تیب قویگن لیگی ایسله تیلماقده.

صباح روزنامه سی, تورکیه نینگ اقتصادی کوچی نینگ میلادی 2021- ییلده 11 فایز مقیاسیده آرتیب کیتگن لیگی نی معلوم قیلماقده. 

خبرده, اوشبو رقم نینگ سونگگی 10 ییل نینگ اینگ یوقاری رقمی دن عبارت ایکن لیگی بیلدیریلماقده.