تورکیه نینگ مطبوعات خلاصه لری

تورکیه نینگ مطبوعات خلاصه لری   

ستار گزیته ‌سی: "ایردوغان خلق ارا دموکراتلر بیرلیگی نماینده لریگه چقیریق قیلدی " سرلوحه سی بیلن خبر بیردی.

خبرگه کوره جمهور باشلیغی ایردوغان توناون کونی تیلفون آرقه لی اتریشده گی خلق ارا دموکراتلر بیرلیگی نماینده لریگه خطاب قیلدی. ایردوغان "یوقاری سویه ده سیاسی مناسبتلرنی تاباره رواجلنتیره میز" دیدی.

خبرتورک گزیته ‌سی: " تورک هیئتی اسرائیل جمهور رئیسلیگی و تشقی ایشلر وزیرلیگی ییتکچیلری بیلن اوچره شدی" سرلوحه سی بیلن خبر بیردی.

خبرگه کوره جمهور باشلیغی سوزچیسی ابراهیم قلین و تشقی ایشلر وزیری اورینباسری صدات اونال اورین الگن هیئت توناون کونی اسرائیل جمهور رئیسلیگی و تشقی ایشلر وزیرلیگی ییتکچیلری بیلن اوچره شدی. اوچره شوولرده اسرائیل جمهمور باشلیغی ایساک هرزوگ نینگ تورکیه سفری نینگ تیارگرلیکلری، اوزارا مناسبت و منطقوی مسئله لر تیلگه آلیندی.

وطن گزیته سی: "علاقه باشقرمه سی باشلیغی آلتون: تورکیه ناتونینگ جیوپولیتیک کیلجگی نینگ مرکزیده دیر" سرلوحه سی بیلن خبر بیردی.

خبرگه کوره علاقه باشقرمه سی باشلیغی فخرالدین آلتون تورکیه ناتونینگ جیوپولیتیک کیلجگی نینگ مرکزیده گی بیر اولکه ایکن لیگینی ایتدی. آلتون "تورکیه ایککی قطبلی ویا کوپ قطبلی بیردنیانینگ کیره کلیلیکلری اوچون ایمس، خلق ارا تیزیمده خوفسیزلیک و برقرارلیک نینگ رمزی بولیشی کیره کلیگی اوچون ناتونینگ بیر پارچه سی دیر" دیدی.   

حریت گزیته ‌سی: " تورک هوا یوللری اوچیش امنیتی جهتیدن اینگ موفق هوا یوللریدن بیرته سی" سرلوحه سی بیلن خبر بیردی.

خبرگه کوره تورک هوا یوللری اروپا ملی هواچیلیک امنیتی آژانسی تامانیدن عملی قیلینگن خارجی هوا واسطه سی امنیت تیکشیرووی پروگرامی دایره سیده اوچیش امنیتی جهتیدن اروپاده اینگ موفق هوا یوللریدن بیرته سی بولدی.

یینی شفق گزیته ‌سی: " بها کیله دی" سرلوحه سی بیلن خبر بیردی.

خبرگه کوره تورکیه، بولوت آستی هوا واسطه سی بها اوچون اورونیشلرینی تیزلشتیردی. انچه وظیفه لرده ایش آلینه دیگن وطنی بهالرنینگ صادرات ظرفیتی نینگ هم کوپ ایکن لیگی بیلدیریلدی.