تورکیه نینگ مطبوعات خلاصه لری

تورکیه نینگ مطبوعات خلاصه لری   

صباح گزیته ‌سی: "تورکیه بیلن بیرلشگن عرب امیرلیکلری اورته سیده 13 ته کیلیشوو " سرلوحه سی بیلن خبر بیردی.

خبرگه کوره جمهور باشلیغی ایردوغان بیرلشگن عرب امیرلیکلری سفری چاغیده توناون کونی تورکیه بیلن عرب امیرلیکلری اورته سیده مدافعه صنایعی، ساغلیک، اقلیم اوزگریشی، صنایع، تکنالوجی، مدنیت، زراعت، تجارت، اقتصاد، ییر، دینگیز ترانسپورتی، یاشلیک، آفت باشقرووی، هوا شناسلیک، علاقه قوریش و آرشیف ساحه سیده 13 ته کیلیشووگه قول قوییلدی.

ستار گزیته ‌سی: " بو بحران گه فقط تورکیه نینگ واسطه چیلیگی بیلن ییچیم تاپیش ممکن " سرلوحه سی بیلن خبر بیردی.

خبرگه کوره اوکراین نینگ انقره بویوک ایلچیسی واسیل بودنار روسیه و اوکراین اورته سیده گی بحران بیلن تیگیشلی وضعیت نینگ تورکیه نینگ واسطه چیلیگی بیلن تینچلیک بیلن ییچیم تاپیش نینگ ممکن ایکن لیگینی ایتدی.

وطن گزیته سی: "تورک هوا یوللری اوکراین اوچیشلری بوییچه بیانات بیردی سرلوحه سی بیلن خبر بیردی.

خبرگه کوره تورک هوا یوللری اوکراینده یوز بیریب تورگن حادثه لر باعث بو اولکه گه تکت آلگن یولاوچیلرگه تکت اوزگریش و قیتیب بیریش حقی بیریلگن لیگینی بیلدیردی. ییتکچیلر اوچیشلرنینگ دوام ایتیب تورگن لیگینی هم بیلدیردی.

یینی شفق گزیته ‌سی: " تورکیه نینگ اورمانلری کینگه یدی" سرلوحه سی بیلن خبر بیردی.

خبرگه کوره اورمان مهندسلری اتاقی باشلیغی حسن تورک ییلمز تورکیه نینگ اینگ کوپ یاغاچ تیککن اولکه لر قطاریده اروپاده بیرینچی دنیاده تورتینچی ایکن لیگینی ایتدی. تورک ییلمز 30 ییل آلدین تورکیه نینگ مساحتی نینگ 19،78 حکتار ساحه سی اورمان ایدی. بوگونگی کونده 22،9 میلیون حکتارلیک ساحه سی اورمان بولگن." دیدی.

خبرتورک گزیته ‌سی: " کولی بلیغی صادراتیدن 5 میلیون 676 مینگ 301 دالر عاید" سرلوحه سی بیلن خبر بیردی.

خبرگه کوره تورکیه دن 5 آیلیک باسقیچده 26 اولکه گه 1 مینگ 247 تن کولی بلیغی صادر قیلیندی. 2021 ییلی 1 سپتامبر – 2022 ییلی 31 جنوری تاریخلری اورته سیده بولگن کولی بلیغی صادراتیدن 5 میلیون 676 مینگ 301 دالر عاید قولگه کیریتیلدی.