تورکیه نینگ مطبوعات خلاصه لری

تورکیه نینگ مطبوعات خلاصه لری   

خبرتورک گزیته ‌سی: "جمهور باشلیغی ایردوغان نینگ تیست نتیجه سی منفی چیقدی " سرلوحه سی بیلن خبر بیردی.

خبرگه کوره جمهور باشلیغی ایردوغان کوید-19 کسللیگینی اوتکزیب ساغه یدی

5 فبروریده ینگی تور کروناویروس (کوید-19) تیست نتیجه لری مثبت بولگن جمهور باشلیغی رجب طیب ایردوغان نینگ  سونگگی ایککی کونده بولگن تیستلری منفی چیقیشی نینگ آرتیدن اجتماعی ترماق آرقه لی معلومات بیردی.

جمهور باشلیغی ایردوغان  بو جریانده اولکه میز ودنیانینگ تورلی تامانیدن دوعالر قیلیب گوزه ل پیاملر جونه تیب بیزنی قوللب – قوتله گن قرداشلریم گه منتدارچیلیک بیلدیره من.

ستار گزیته ‌سی: " ایردوغان بحراننی کمه یتیریش اوچون اورونماقده میز " سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان پولند جمهور باشلیغی اندرج دوده بیلن تیلفون آرقه لی سوزلشدی. ایردوغان تورکیه – پولن مناسبتلرینی هربیر ساحه ده تاباره رواجلنتیریش، ستراتیژیک شریکلیک نی یوقاری سویه لی ستراتیژی همکارلیک کینگشی نینگ ایجاد ایتیلیشی بیلن کوچه یتیرماقچی ایکن لیکلرینی ایتدی. روسیه بیلن اوکراین اورته سیده یوز بیریب تورگن بحراننی یقیندن تعقیب ایتیب تورگن لیکلرینی معلوم قیلگن ایردوغان بو توغریده تورکیه اوله راق بحراننی کمه یتیریش اوچون اورونماقده ایکن لیکلرینی قید ایتدی.   

وطن گزیته سی: "تورکیه نینگ اقتصادی 9 آیده 12 فایز اوسدی" سرلوحه سی بیلن خبر بیردی.

خبرگه کوره تورکیه تجارت اتاقلری و بورسالر بیرلیگی باشلیغی رفات حصارجیقلی اوغلی "بازارلرده اقتصاد قیته دن حرکت گه کیردی. ایلک 9 ایده اقتصادگه قره گنده 12 فایز اوسگن لیگینی کوره میز" دیدی. صادراتده ریکارد اورنه تیلگن لیگینی معلوم قیلگن حصارجیقلی اوغلی "صنایع کسللیکدن آلدینگی وضعیت نی اوتیب کیتدی. توریزم توزه لیب بارماقده" دیدی.    

یینی شفق گزیته ‌سی: " 2021 ییلیده استخدام ریکاردی" سرلوحه سی بیلن خبر بیردی.

خبرگه کوره تورکیه ده ایشسیزلیک درجه سی 11،2 فایز قوییگه کیلگن حالده استخدامده سونگگی بیر ییلده 3 میلیون 223 مینگ کیشی کوپه یدی. خذمتلرده 2.2 میلیون صنایعده 702 مینگ، زراعتده 176 مینگ کیشی ینگی ایش بیلن شغللندی. استخدام 30.1 میلیون کیشی بیلن اینگ یوقاری سویه گه باردی.

صباح گزیته ‌سی: " تورکیه نینگ انرژی قیته ایشلشی تیزلشدی" سرلوحه سی بیلن خبر بیردی.

تورکیه نینگ قیته ایشلنه دیگن انرژیده تولید و تکنالوجی مرکزی وضعیتی گه ایلنیشی هدفی بیلن آلیب باریلگن فعالیتلرده مهم یول آلدی. 2000 ییللریده جوده کم قیته ایشلش انرژی ظرفیتی بولگن تورکیه بو ساحه ده قیلگن سرمایه کیریتیشلری بیلن توپلم قیته ایشلش انرژی کوچی اروپاده 5- دنیاده 12 اورینده توره دی.