تورکیه نینگ مطبوعات خلاصه لری

ستار گزیته سی: دنیادن جمهور باشلیغی ایردوغان و تورموشی اورتاغی گه شفا بولسین تیلکلری سرلوحه سی بیلن خبر بیردی.

خبرگه کوره دنیا رهبرلری کوید – 19 گه چلینگن جمهور باشلیغی رجب طیب ایردوغان تورموش اورتاغی امینه ایردوغان اوچون شفا بولسین پیامی ترقه تدی. جمهور باشلیغی ایردوغان شفا بولسین تیلکلرینی ییتکیزگنلرگه ایریم ایریم منتدارچیلیک بیلدیردی.  

خبرتورک گزیته‌سی: تناپ نی قوللب – قوتله یمیز سرلوحه سی بیلن خبر بیردی.

خبرگه کوره انرژی و طبیعی منبعلر وزیری فاتح دونمر ترانس اناطولی طبیعی گاز پایپ لاینی پروژه سی نینگ ظرفیتی نینگ آرتیریلیشی نینگ کون ترتیبیده ایکن لیگینی معلوم قیلیب "حرمتلی (آذربایجان جمهور باشلیغی) علی یف هم آذربایجان انرژی وزیری شهبازاوف هم قیدیروو و تولید بوییچه سرمایه کیریتیشلرنی تیزلشتیرگن لیکلرینی بونی کوچه یتیرووچی قیسقه مدت جریانیده تیزیم گه قوییشلرینی افاده ایتدی. بیز هم ظرفیتلی بولیشینی قوللب – قوتله یمیز اولکه اوله راق تاکییدله دیک" دیدی.

یینی شفق گزیته سی: اتوموتیف سکتوری جنوریده 2.2 میلیارد دالرلیک صادرات قیلدی سرلوحه سی بیلن خبر بیردی.

خبرگه کوره تورکیه نینگ اتوموتیف سکتوری نینگ جنوری آییده گی صادراتی 2.2 میلیارد دالر بولدی. اولکه صادراتیده بیرینچی اوریننی ایگلله گن بو سکتور توپلم صادراتده 12.7 فایز بولدی.   

حریت گزیته سی: استانبول قونلغه سی اروپاده بیرینچی سرلوحه سی بیلن خبر بیردی.

خبرگه کوره اروپا هوا سیروسفر خوفسیزلیگی تشکیلاتی (EUROCONTROL) 27 جنوری – 3 فبروری تاریخلرینی اوز ایچی گه آلگن اوچیش راپورلریگه کوره استانبول قونلغه سی توپلم 7 مینگ 55 اوچیش بیلن اروپاده اینگ کوپ پرواز بولگن قونلغه بولدی.  

صباح گزیته سی: روسلر تورکیه ده 5 یولدوزلی رسمیات آلیب بارماقده سرلوحه سی بیلن خبر بیردی.

خبرگه کوره روسیه ده کوید-19 نینگ کوپه ییشی باعث اولکه نینگ تنیقلی خصوصی بانکلریدن سوفکوم بانک پرسونلینی اوزاقدن ایش قیلیش اوچون تورکیه ده گی 5 یولدوزلی هوتللرگه جونه تیش قرارینی قبول قیلیب آلدی. اوچاق تکتلری و هوتلده قالیش خرجتلری شرکت تامانیدن بیریله دی. پروگرام دایره سیده « back office» پرسونل و بیلیم انسانلری بیر هفته لیک تورکیه گه جونه تیله دی. تورکیه گه کیله دیگن پرسونل نینگ واکسین بولیشی شرط.