تورکیه نینگ مطبوعات خلاصه لری

تورکیه نینگ مطبوعات خلاصه لری   

خبرتورک گزیته ‌سی: "پوتین و زلنسکی نی تورکیه گه چقیریشیمیز ممکن " سرلوحه سی بیلن خبر بیردی.

جمهور باشلیغی رجب طیب ایردوغان خصوصی بیر تلویزیون گه بیرگن بیاناتده اوکراین بیلن روسیه اورته سیده گی معمانینگ ینگی بیر بحرانگه ایلنیشینی خواهله مه یمیز. شونده ی بولیب قولیمیزدن کیلگننی قیلیش گه تیارمیز. (روسی دولت باشلیغی) پوتین و (اوکراین دولت باشلیغی) زلنسکی گه بو پیاملریم نی ییتکیزدیم. ایککی اولکه هم تورکیه نینگ صمیمیتینی و یخشی نیتده ایکن لیگینی بیلگنینی اویله یمن. ایککی اولکه نی تورکیه گه مهمان قیلیب تینچیلیک نینگ یولینی آچیشیمیز ممکن" دیب افاده ایتدی.

 یینی شفق گزیته ‌سی: " آلتون 500 مینگ سوریه لیک اوز اولکه سیگه قیتیب کیتدی " سرلوحه سی بیلن خبر بیردی.

خبرگه کوره علاقه باشقرمه سی باشلیغی فخرالدین آلتون تورکیه نینگ منطقه نینگ تینچلیک، خوفسیزلیک و برقرارلیگی گه حصه قوشگن لیگینی معلوم قیلیب سوریه لیک مهاجرلرنینگ 500 مینگدن آرتیغی نینگ اوز اولکه سیگه قیتیب بارگن لیگینی ایتدی.  

صباح گزیته سی: "تورک دوکتوردن فخرلنتیرگن فعالیت" سرلوحه سی بیلن خبر بیردی.

خبرگه کوره امریکا قوشمه ایالتلریده گی جکسون لابراتواری انستیتوتیده باش محقق بولیب ایشله یاتگن پروفیسر دوکتور دریا اونوتمس کروناویروس نینگ برچه وریانتلریگه قرشی تاثیرلی بولگن ینگی بیر تداوی شکلی اوستیده ایشلب تورگن لیکلرینی و نتیجه لری نینگ اولیملی ایکن لیگینی ایتدی.

حریت گزیته ‌سی: "الکتریکلی واسطه شرکتلری کوزینی تورکیه گه تیکدی" سرلوحه سی بیلن خبر بیردی.

خبرگه کوره شارز استیشنلری نینگ ییره ب باریشی بیلن 2021 ییلیده تورکیه الکتریکلی واسطه بازاری 237 فایز کوپه یدی.  بو الکتریکلی واسطه شرکتلری نینگ علاقه سینی تارتیب آلدی. تسلا، م ج، جاگوار کبی گلوبال مارکلر تورکیه بازاریگه کیردی.

ستار گزیته ‌سی: "تورکیه نینگ جیب ماهواره سی گریزو-263 ای نینگ حکایه سی فلملشتیریلدی سرلوحه سی بیلن خبر بیردی.

خبرگه کوره 13 جنوریده فضاگه آتیلگن زونگولداق بلند ایجیویت عالی بیلیم یورتی فضا تیمی گریزو -263 تامانیدن ایشلب چیقریلگن تورکیه نینگ جیب ماهواره سی گریزو-263 ای نینگ حکایه سیدن عبارت قیسقه بیر فلم تیارلندی.