تورکیه نینگ مطبوعات خلاصه لری

ستار گزیته‌سی: « ایردوغان محمدچیک که بقیردی! بیراق بیز اوچون مقدس دیر» سرلوحه‌سی بیلن خبر بیردی.

خبرگه کوره‌، جمهور رئیس رجب طیب ایردوغان چیگره بورگوتلریگه خطاب قیلیب "بیراق بیز اوچون مقدسلر قطاریده اینگ مهم اوریننی ایگلله گن قدریتیمیزدیر. بیراغینگیزگه قنداغ صاحب چیقیشینگیزنی بیله من" دیدی.   

یینی شفق گزیته سی: آقر تروریستلر 2 کیچه بیر جایده قاله آلمه یدی سرلوحه سی بیلن خبر بیردی.

خبرگه کوره ملی مدافعه وزیری خلوصی آقر 2015 ییلی 24 جولایدن بوگونگچه محمدچیک تاثیرسیز وضعیت گه کیلتیرگن تروریست جنگری سانی نینگ 32 مینگ 859 ایکن لیگینی معلوم قیلیب "1 جنوریدن اعتباراً آلیب باریلگن عملیاتلرده توپلم 2 مینگ 384 تروریست تاثیرسیز وضعیت گه کیلتیریلدی. تروریستلر 2 کیچه بیر جایده قاله آلمه یدی، هر دایم محمدچیکلرنی ایلکه سیگه حس ایته دی" دیدی.

وطن گزیته‌سی: « تشقی ایشلر وزیرلیگی: عراق باش وزیری الکاظمی نینگ اوییگه اویوشتیریلگن هجومنی قاره له یمیز» سرلوحه‌سی بیلن خبر بیردی.

خبرگه کوره‌، تورکیه تشقی ایشلر وزیرلیگی عراق باش وزیری مصطفی الکاظمی نینگ اوییگه انسانسیز هوا واسطه سی آرقه لی اویوشتیریلگن تروریستیک هجومنی قاره له دی. بیاناتده "تورکیه، منبعی گه قه ییردن کیلگن بولسه بولسین تروریزم گه قرشی کوره ش بوییچه عراق خلقی و دولتی نینگ یانیده بولیش گه دوام ایته دی" دییلدی.

صباح گزیته‌سی: « گوبیکلی تیپه 10 آیده سیاح سانی تیپه گه چیقدی» سرلوحه‌سی بیلن خبر بیردی.

خبرگه کوره شانلی اورفاده 12 مینگ ییل لیک اوتمیشی بیلن "تاریخ نینگ صفر نقطه سی" دیب اتلگن گوبیکلی تیپه گه ییل نینگ 10 آییده 460 مینگ اطرافیده سیاح کیلدی. بو سان حلی گچه یوز بیرگن اینگ یوکسک رقم بولدی.

حریت گزیته‌سی: تورک هوا یوللری باله یولاچیلرلرگه خاص سیاحت سیتلری تیارله دی سرلوحه سی بیلن خبر بیردی.

خبرگه کوره تورک هوا یوللری باله یولاوچیلری اوچون خاص سیاحت سیتلری تیارله دی. ایچیده کوز بندی، قولاقلیک، جراب و تیش سیتی اورین آلگن ینگی سیتلر اوزاق مصافه لی تورکیه دن چیقیش اوچیشلرده یولاوچیلرگه تقدیم ایتیش گه باشلندی.