تورکیه نینگ مطبوعات خلاصه لری

وطن گزیته‌سی: « پاریس کیلیشووی نینگ عملی بولیش تاریخی 10 نوامبر ایتیب تعینلندی» سرلوحه‌سی بیلن خبر بیردی.

خبرگه کوره‌، رسمی گزیته ده نشر بولگن جمهور رئیس قراری بیلن پاریس کیلیشووی نینگ عملی بولیش تاریخی 2021 ییلی 10 نوامبر ایتیب تعیینلندی.  جمهور باشلیغی رجب طیب ایردوغان 21 سپتامبرده بیرلشگن ملتلر تشکیلاتی عمومی کینگشیده سوز یوروتگنده تورکیه نینگ پاریس کیلیشوویگه قول قویه جگینی و 2053 ییلی اوچون انیق اوله راق صفر گاز سوزیش هدفی نینگ قبول قیله جگینی بیلدیرگندی.  

خبرتورک گزیته سی: تورک هوا یولی جاری ییل نینگ ایلک 9 آییده 6،2 میلیارد تورک لیره سی فایده قیلدی سرلوحه سی بیلن خبر بیردی.

خبرگه کوره تورک هوا یولی 2021 ییل نینگ ایلک 9 آییده 6،2 میلیارد تورک لیره سی فایده قیلدی. 2021 ییل نینگ ایلک 9 آییده 31 میلیون یولاوچی تشیگن تورک هوا یولی جاری ییل نینگ ایلک 7 آییده اروپا مقیاسیده اینگ کوپ سفر قیلگن هوا یول بولدی و ایلک 9 آیده اروپا مقیاسیده اینگ کوپ سفر قیلگن ایککینچی هوا یول بولدی.

حریت گزیته‌سی: « اتوموتیف سکتوری 2،6 میلیارد دالرلیک صادرات قیلدی» سرلوحه‌سی بیلن خبر بیردی.

خبرگه کوره‌، تورکیه نینگ اتوموتیف سکتوری اوتگن آی 2،6 میلیارد دالر صادرات قیلدی. 2021 ییلی جنوری – اوکتبرده اتوموتیف چیت ایل ساتیشی اوتگن ییل نینگ خوددی شو باسقیچی گه کوره 19 فایز کوپه ییب 23،9 میلیارد دالر بولدی. شو جریانده آیلیک صادرات اورته چه 2،4 میلیارد دالر بولگن سکتور چیت ایل ساتیشیده بیرینچی اوریننی ایگلله دی.

ستار گزیته‌سی: « وطنی اتوموتیف پروزه سی یوتوقلی شکلده آلغه بارماقده» سرلوحه‌سی بیلن خبر بیردی.

خبرگه کوره تورکیه وطنی اتوموبیل تولیدیده هدفلنگن شکلده ایلک واسطه 2022 ییلی نینگ سونگگیده قطار تولیدی بوله دی. برقی موترنینگ قلبی بولمیش بطری لرنینگ تورکیه ده ایشلب چیقریلیشی توغریسیده جدی اورونیش بولدی. تورکیه نینگ اتوموبیل شرکت گروهی توگ بیلن دنیا مقیاسیده تنیقلی فراسیس، بطری بوییچه سرمایه کیریتیشی گه یقین پیتده گملیکده باشله یدی.  

یینی شفق گزیته‌سی: قورقوت آته تورک عالمی فلم کورگزمه سی ایلک مرته استانبولده بولیب اوته دی سرلوحه سی بیلن خبر بیردی.

خبرگه کوره بای اوغلی مدنیت یولی فیستیوالی چوکاتیده بولیب اوته دیگن قورقوت اته تورک عالمی فلم کورگزمه سی سینما علاقه مندلری گه تقدیم ایتیله دی. کورگزمه نینگ تنیتیش فلمینی اجتماعی ترماق آرقه لی ترقه تگن توریزم و مدنیت وزیری اورینباسری احمد مصباح دیمیرجان کورگزمه گه 13 اولکه دن 42 ته فلم نینگ قتنشیشینی معلوم قیلیب تورک جمهوریتلریدن 200 دن آرتیق دایرکتر، باشقرووچی و اویینچی قتنشه دیگن ییغین بیلن استانبولده سینما کورگزمه سی بوله دی" دیب ایتدی.