تورکیه نینگ مطبوعات خلاصه لری

یینی شفق گزیته‌سی: « ایردوغان: بایدندن ف-16 لرنینگ تداریکی توغریسیده سلبی یانداشوو کورمه دیم» سرلوحه‌سی بیلن خبر بیردی.

خبرگه کوره‌، جمهور باشلیغی رجب طیب ایردوغان ایتالیادن قیتیش چاغیده اوچاقده ژورنالیستلرگه امریکا قوشمه ایالتلری دولت باشلیغی جو بایدن بیلن بولگن اوچره شووینی بهالندیردی. شو ف-35 موضوعی بار. بیز 1 میلیارد 400 میلیون دالر توله گندیک. شو بیلن تیگیشلی اوله راق ف-16 تداریکینی مذاکره قیلدیک. بو توغریده سلبی یانداشوو کورمه دیم" دیدی.

حریت گزیته سی: ایککینچی جلسه امریکا قوشمه ایالتلریده بولیب اوته دی سرلوحه سی بیلن خبر بیردی.

خبرگه کوره ملی مدافعه وزیرلیگی تامانیدن بیریلگن بیاناتده تورکیه و امریکا قوشمه ایالتلری مدافعه وزیرلیکلری اورته سیده ف-35 موضوعیده گی کیلیشماوسیزلیک نینگ برطرف ایتیلیشی و مالی موضوعلرنی تیلگه آلیش مقصدی بیلن ایککینچی جلسه نینگ واشنگتنده بولیب اوتیشی نینگ ریجه لنگن لیگی معلوم قیلیندی. بیاناتده " بیز پوزیشنیمیزنی اورته گه قویدیک. ایلک اوله راق ف-35 پروگرامی گه قیتیش، ایککینچی اوله راق تخصیص بیریلگن اوچاقلرنینگ تسلیم ایتیلیشی بولر بولمه گن تقدیرده توله گن پوللرنینگ قیتیریب بیریش شکلیده یانداشوویمیز بار" دییلدی.

ستار گزیته‌سی: « صادراتده ینگی ریکارد اورنه تیلدی» سرلوحه‌سی بیلن خبر بیردی.

خبرگه کوره‌، تجارت وزیری محمد موش اوکتوبر آییده صادرات نینگ اوتگن ییل نینگ خوددی شو آییگه کوره 20،2 کوپه ییش بیلن 20،8 ملیارد دالر سویه سیگه بارگن لیگینی معلوم قیلیب "شو بیلن اوتگن آیده گی جمهوریت تاریخی نینگ اینگ یوکسک آیلیک صادراتی بولگن دیر" دیدی.

خبرتورک گزیته‌سی: دونمز 60 میلیون واریل سویه سیده ذخیره اولکه میز اوچون قولگه کیریتلدی پیام سرلوحه سی بیلن خبر بیردی.

خبرگه کوره انرژی و طبیعی منبعلر وزیری فاتح دونمز "قاره دینگیزده گی طبیعی گاز کشفیمیز قاله ویرسه 2021 ییلیده قوروقلیک ساحه لریده آلیب باریلگن 26 کشف بیلن 60 میلیون واریل نفت ذخیره سی تاپیب آلینگن دیر" دیدی.   

صباح گزیته‌سی: « تورکیه ده توریزم عایدی 181 فایز کوپه یدی» سرلوحه‌سی بیلن خبر بیردی.

خبرگه کوره تورکیه استاتیستیک باشقرووی تامانیدن بیریلگن معلومات گه کوره توریزم عایدی جولای، آگست و سپتامبر آیلریده آلدینگی ییل نینگ خوددی شو آیلریگه کوره 181،8 کوپه ییب 11 میلیارد 395 میلیون 117 مینگ دالر بولدی.