تورکیه نینگ مطبوعات خلاصه لری

وطن گزیته‌سی: نورمال حیات تیزیمی بوگون باشله دی سرلوحه سی بیلن خبر بیردی.

ینگی تور کروناویروس (کوید-19) گه قرشی کوره ش چوکاتیده محدودیتلر اداغگه ییتیب باردی. دوشنبه کونیدن باشلب شنبه کونی گچه تورکیه وقتی بیلن ساعت 22:00 دن ایرته لب ساعت 05:00 کچه بولگن کوچه گه چیقیش ممانعتی بیلن بیر قطارده شهرلرارا یولاوچیلیک محدودیتی برطرف ایتیلدی. ایش جایلری تعیین قیلینگن آچیلیش – یاپیلیش ساعتلری دایره سیده فعالیت گه باشله دی. نکاح و تویلرده مهمان محدودیتی یوق.

یینی شفق گزیته‌سی: کانال استانبول گه انچه علاقه تاپیلدی سرلوحه سی بیلن خبر بیردی.

تشقی ایشلر وزیری مولود چاووش اوغلی بیلن روس کسبداشی سرگی لاوروف انتالیاده اوچره شدی. چاووش اوغلی مشترک مطبوعاتی کنفرانسده (1936 ده قول قوییلگن مونترو بوغوزلر کیلیشووی) و کانال استانبول بیلن تیگیشلی سوالگه "کانال استانبول اوچون عملی آدیملر آتیش گه باشله دیک. خلق ارا شرکتلر علاقه کورستماقده. مونتروده اوزگریش یوز بیرمه یدی" دیب جواب بیردی.

ستار گزیته‌سی: ناتو حربی سینشی گه تورک سیهالری یوتوقلی بولدی سرلوحه سی بیلن خبر بیردی.

اوکراین و امریکا قوشمه ایالتلری قاره دینگیزده مشترک آلیب بارگن سئا بریزی 2021 حربی سینشی دوام ایتماقده. بو حربی سینشده تورک تولیدی بیراقدار ت ب 2 قوراللی هیداوچیسیز هوا واسطه لری (سیها) هم اورین آلدی. تورک سیهالری ایلک مرته بیر ناتو حربی سینشیده اورین آلدی. اوکراین و امریکا قوشمه ایالتلری مشترک حربی سینشی سیئا بریزی 2021  حربی سینش 28 جونده باشله گندی. حربی سینش گه 30 دن آرتیق ناتو اولکه سی اورین آلماقده.

خبرتورک گزیته‌سی: جون آیی تجارت راپورلریده تشقی تجارتده ریکارد کوتیلماقده سرلوحه سی بیلن خبر بیردی.

تجارت وزیری مِحمِد موش جمعه کونی اعلان قیلینه دیگن جون آیی تجارت راپورلریده صادرات بوییچه بیر ریکارد کوتگن لیکلرینی بیلدیردی. موش ایشانه منکی 2021 ییلی آخریده صادراتیمیز اورته وعده لی پروگرام نینگ 2022 ییلی هدفی بولمیش 198 میلیارد دالرگه ییتیب 200 میلیاردنینگ اوستی گه چیقرگن بوله میز" دیدی. 

حریت گزیته‌سی: تورکیه ملی تیرمه باسکیتبال جماعه سی یریم فاینلده سرلوحه سی بیلن خبر بیردی.

تورکیه ملی تیرمه ایرکک باسکیتبال جماعه سی کاناداده فیبا المپیاد سره لش بیلله شوولری ایلک اوچره شوویده چیکیا نی 70-87 بیلن مغلوبیت گه اوچره تدی. بو نتیجه بیلن 2 بیلله شووگه هم غلبه قازانیب گروپ نی بیرینچی بولیب بیتکزدی و یریم فاینل گه کوتریلدی.