تورکیه نینگ مطبوعات خلاصه لری

صباح گزیته سی: تورکیه بیلن قرغزستاندن فتو گه قرشی کوره ش بوییچه همکارلیک پیامی سرلوحه سی بیلن خبر بیردی.

جمهور باشلیغی رجب طیب ایردوغان قرغزستان جمهور باشلیغی صدر جباروف بیلن پایتخت انقره ده اویوشتیریلگن مشترک مطبوعات کنفرانسده قیلگن صحبتیده "فتح الله چی ترور تشکیلاتی فتو قاله ویرسه ترور تشکیلاتلریگه قرشی کوره ش نی تیلگه آلدیک. فتونینگ ایککی اولکه ده هم ملی خوفسیزلیک اوچون تهدید تشکیل ایتگن لیگی بوییچه همفکرمیز" دیدی. ایردوغان شانه به شانه بیریب بو تهدیدنی برطرف ایته میز" دیب ایتدی.

حریت گزیته سی: چاووش اوغلی: امریکا قوشمه ایالتلری تورکیه بیلن همکارلیک قیلیش آرزوسیده دیر سرلوحه سی بیلن خبر بیردی.

تشقی ایشلر وزیری مولود چاووش اوغلی امریکا قوشمه ایالتلری نینگ نه فقط لیبیا و سوریه مسئله لری اورته ییر دینگیزیدن قاره دینگیزگچه و قفقازیاگچه انچه ساحه ده تورکیه بیلن همکارلیک قیلیش آرزوسیده ایکن لیگینی بیلدیردی. هوا مدافعه تیزیملری تداریک قیلیش توغریسیده الترناتیفلر موجود ایکن لیگینی معلوم قیلگن چاووش اوغلی امریکا قوشمه ایالتلری پتروئیت توغریسیده گرانتی بیرمه گنده ایریم متفقلریمیزدن هوا مدافعه تیزیمی آلیشیمیز ممکن" دیدی.

ستار گزیته سی: امریکا قوشمه ایالتلری مطبوعاتی:پی کاکا/وای پی جی گه بیریلگن کمک کتته معما سرلوحه سی بیلن خبر بیردی.

امریکا قوشمه ایالتلری مطبوعاتیده اورین الگن بیر مقاله ده سوریه نینگ شمالیده بولووچی ترور تشکیلاتی پی کاکا/وای پی جی گه بیریلگن کمک نینگ تورکیه بیلن مناسبتلریده کتته معما تشکیل ایتگن لیگی گه اورین بیریلدی. امریکا قوشمه ایالتلری تامانیدن پی کاکا/وای پی جی بیلن قیلینگن ینگلیش شریکلیک توغریسیده ناتو متفقی تورکیه نینگ خواطرلرینی کوریشی کیره ک لیگی تاکییدلنگن مقاله ده امریکا قوشمه ایالتلری دولت باشلیغی جو بایدن نینگ بو توغریده جسور بیر حمله سی، اوزارا مناسبت نی مهم درجه ده توزه تیشی ممکن. اصل گپ انه شو" دییلدی.

وطن گزیته سی: تورکیه نینگ ملی اوروش اوچاغی نمایش گه چیقدی سرلوحه سی بیلن خبر بیره دی.

ملی اوروش اوچاق پایتخت دانقره ده 3- تکنالوجی کورگزمه سیده نمایش گه قوییلماقده. ایلک مرته نمایش گه قوییلگن اوچاق انچه رغبت کورماقده. اوچاق 1.8 مچ سرعت 55 مینگ فیت یوکسک لیک که چیقه آله دی. تورکیه، امریکا قوشمه ایالتلری، روسیه و چین نینگ ارتیدن 5 – نسل اوروش اوچاغی ایشلب چیقره دی. ملی اوروش اوچاغی 2023 ییلی هنگردن چیقیشی ممکن.

خبر تورک گزیته سی: تورک واکسینی سونگگی باسقیچ گه کیلدی سرلوحه سی بیلن خبر بیردی.

ساغلیقنی سقلش وزیری فخرالدین کوجه تورکیه ده ینگی تور کروناویروس (کوید-19) گه قرشی انچه واکسین ایشلب چیقریش پروه ژه سی نینگ دوام ایتیب تورگن لیگینی بیراق بیرته سی نینگ سونگگی باسقیچ گه ییتیب کیلگن لیگینی ایتدی. "کیلگوسی هفته محلی واکسین نینگ سونگگی فازی 3 انسان اوستیده سینش اوچون اوز اختیاریگه کیلگنلرنی ایمله یمیز" دیب ایتگن کوجه تورک واکسینی سونگگی باسقیچ گه کیلدی" دیدی.