تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزېته‌سی: ملي خوفسیزلیک کینگشی نینگ اسرائیل حقیده‌گی بیاناتی سرلوحه سی بیلن خبر بیردی.
جمهور باشلیغی رجب طیب ایردوغان ییتکچیلیگیده توناون بولیب اوتگن ملي خوفسیزلیک کینگشی (م گ ک) ییغیلیشیدن کیین بیریلگن بیاناتده، اوتگن آیده غزه ده قول اورگن قتل عامی اوچون اسرائیل قاره‌لندی. بیاناتده، «اوروش جنایتلری دییلگن درجه‌ده‌گی اسرائیل هجوملری نینگ تکرارلنمسلیگی و فلسطین مسأله‌سینی عدالتلی، دایمي و هر تامانلمه حل قیلیش مقصدیده خلق‌ارا همجمعيت، اوز جوابگرچیلیگینی کیچیکتیرمه‌ی، صمیمي روشده بجریشگه چقیریلدی» دیییلدی.
حرت گزیته‌سی: تشقی ایشلر وزیری چا‌ووش اوغلی نینگ اسرائیل حقیده‌گی بیاناتی سرلوحه سی بیلن خبر بیردی.
تشقی ایشلر وزیری مولود چا‌ووش اوغلی توناون بیرگن بیاناتیده، «اسرائیل نینگ بیز بیلن ساغلام مناسبتده بوله آلیشی اوچون ناتوغری سیاستلردن واز کیچیشی کیره‌ک» دیدی.
ستار گزیته‌سی: فاتح دونمیز: «تورکيه نینگ انرژی سکتوریگه 25 میلیارد یور سرمایه کیریتدیلر» سرلوحه سی بیلن خبر بیردی.
انرژی و طبيعي منبعلر وزیری فاتح دونمیز، جرمني انرژی کمپنیلری نینگ شریکلری بیلن بیرگه‌لیکده تورکيه نینگ انرژی ترماغیگه آخرگی 18 ییلدن بیری 25 میلیارد یورو سرمایه کیریتگنی و 15 مینگدن آرتیق کیشینی ایش بیلن تأمینله‌گنینی بیلگیلب اوتگن حالده: «بو ر‌قملر جرمني کمپنیلری بیلن سرمایه کیریتووچیلری نینگ سکتور و تورکيه اقتصادیگه بولگن ایشانچدن دلالت بیره‌دی» دیدی.
خبر تورک گزیته سی: «می آییده‌گی صادرات کورسه‌تگیچلری معلوم بولدی» سرلوحه سی بیلن خبر بیردی.
سودا وزیری مِحمِد موش توناون بیرگن بیاناتیده، تورکيه نینگ می آییده‌گی صادراتی نینگ اوتگن ییل نینگ خوددی شو آییگه نسبتاً 65،5 فایزگه آشگن حالده 16،5 میلیارد دالرنی تشکیل ایتگنینی بیلدیردی. شونینگدیک بو حقده: «بو رقم آرقه‌لی بوگونگچه بولگن می آییده‌گی اینگ یوقاری ایکّینچی کورستگیچ گه ایریشدیک» دیدی.
صباح گزیته‌سی: تورکيه‌ده ایشلب چیقریلگن قوراللی اوچووچیسیز هوا واسطه لرینی (سیهه) دنیا یقیندن کوزه‌تماقده سرلوحه سی بیلن خبر بیردی.
تورکيه نینگ حربي ساحه‌ده دنیا مارکی گه ایلنگن قوراللی - قورالسیز اوچووچیسیز هوا واسطه لری بو گل سویس تامانیدن تیکشیریب چیقیلدی. مملکت نینگ ملي نشری تامانیدن قلمگه آلینگن تحلیلده آذربایجان و لیبیا باش بولیش بیلن بیرگه بیر نیچه میدانده غلبه‌گه ایریشگن تورک تکنالوژيسی نینگ غربلیک دولتلر تامانیدن «معجزه» صفتیده بهالنگنی تأکیدلندی.
