تورکیه نینگ مطبوعات خلاصه لری

خبر تورک گزیته سی: "انسانسیز (هیداوچیسیز) حربی اوچاغیمیزنی 2023 ییلی کوک یوزیده اوچیریش نی ریجه له ماقده میز" سرلوحه سی بیلن خبر بیردی.

جمهور رئیس و عدالت و ترقیات حزبی باشلیغی رجب طیب ایردوغان اوز حزبی نینگ تورکیه بویوک ملت مجلسیده گی گروپ جلسه سیده صحبت قیلدی. "انسانسیز (هیداوچیسیز) حربی اوچاغیمیزنی 2023 ییلی کوک یوزیده اوچیریش نی ریجه له ماقده میز" دیدی.

صباح گزیته سی: چاووش اوغلی، یونان گه سفر قیلیب باره دی سرلوحه سی بیلن خبر بیردی.

مولود چاووش اوغلی تورکیه بویوک ملت مجلسیده قیلگن صحبتیده یونان تامانیدن ییتیب کیلگن چقیریققه بناً 31 می دوشنبه کونی بو اولکه سفر قیلیب باره جگینی ایتدی. یونانده گی اوچره شوولری دایره سیده پایتخت آتن قاله ویرسه سلانیک که هم سفر قیله دی.

یینی شفق گزیته سی: ملی مدافعه وزیرلیگیدن آذربایجانگه 5 ته میخانیک ماین تمیزلش اسبابی سرلوحه سی بیلن خبر بیردی.

ملی مدافعه وزیرلیگی تاماندن بیریلگن بیاناتده وزیرلیک چوکاتیده اورین آلگن عسکری فابریکه و کیمه توزه توو سهامی شرکت تامانیدن ایشلب چیقریلگن 5 ته میخانیک ماین تمیزلش اسبابی آذربایجانگه تسلیم بیریلگن لیگی بیلدیریلدی.

وطن گزیته سی: ینگی بیونتیک واکسینلری تورکیه گه کیلدی سرلوحه سی بیلن خبر بیردی.

ساغلیقنی سقلش وزیری فخرالدین کوجه تامانیدن کیلیشووی بیلدیریلگن 120 میلیون دوز پفیزر/بیونتیک واکسین نینگ بیرینچی باسقیچینی تشووچی اوچاق توناون کونی پایتخت انقره گه کیلیب قوندی. واکسینلر خاص سووتوچی تیلرلر ارقه لی وزیرلیک نینگ واکسین و داری دیپوسی گه جایلشتیریلدی.

ستار گزیته سی: تورکیه ده ایشلب چیقریلدی 40 اولکه ده تماقلرنی شیرین قیلدی سرلوحه سی بیلن خبر بیردی.