تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیتهسی: جمهور باشلیغی ایردوغان: ایکّی هفته قِسمي چیکلاو یولگه قوییلهدی سرلوحه سی بیلن خبر بیردی.
جمهور باشلیغی رجب طیب ایردوغان کروناویروس پاندیمي سیگه قرشی کوریلهدیگن ینگی چاره - تدبیرلر حقیده بیانات بیردی. ایردوغان، 15 کونلیک قِسمی چیکلش جریانیگه اوتیلیشینی شو دایرهده دَم آلیش کونلری کوچهلرگه چیقیش حقیدهگی چیکلاولرنینگ دوام ایتیشینی، هفته ایچی 19:00 - 05:00 ساعتلری آرهسیده کوچهگه چیقیش منع ایتیلیشینی، شهرلرارا سیاحتلرنینگ مجبوري حاللردن تشقری توخته تیلیشینی بیلدیردی. ایردوغان، قبول قیلینگن قرارلر فایده بیرمهگودیک بولسه اونده 15 کوندن کیین هم، هییت کونلری هم قطعي چارهلر کوریلیشینی تأکیدلهدی.
حریت گزیتهسی: افغانستان تینچلیک جریانی حقیدهگی ییغیلیش استانبولده بولیب اوتهدی سرلوحه سی بیلن خبر بیردی.
تورکيه نینگ میزبانلیگیده اوتکزیلهدیگن افغانستان تینچلیک جریانی حقیدهگی ییغیلیش استانبولده 24 - اپریلدن 4 – می گچه دوام ایتهدی. تشقی ایشلر وزیرلیگی تامانیدن موضوع حقیده بیریلگن بیاناتگه کوره، اوشبو کنفراس نینگ اینگ اساسي مقصدی معمانی عدالتلی و دایمي روشده حل قیلینیشی اوچون دوحهده دوام ایتگن افغانستان مذاکرهسی نینگ جدل توس آلیشینی تأمینلش و تماملنیشیگه حصه قوشیشدیر.
ستار گزیتهسی: تورکيه، شمال سرمایه کیریتیشلری بوییچه اروپاده بیرینچی بیشتهلیکده سرلوحه سی بیلن خبر بیردی.
تورکيه، 1 میلیارد یورودن آشگن قوریقلیکدهگی شمال انرژیسی سرمایه کیریتیشلری آرقهلی 2020 - ییلی اروپاده اینگ کوپ سرمایه کیریتگن دولتلر قطاریده بیرینچی بیشتهلیکده اورین آلدی.
وطن گزیتهسی: ناسا نینگ مسابقهسینی وان کولی فوتوصورتی اوتدی سرلوحه سی بیلن خبر بیردی.
امریکا قوشمه ایالتلری هواچیلیک و فضا آژانسی ناسا تامانیدن اویوشتیریلگن «دنیاگه سیاحت» دیب ناملنگن آنلاین طرزدهگی فوتوصورت مسابقهسیده، فضادن صورتگه آلینگن وان کولی فوتوصورتی بیرینچی اوریننی قولگه کیریتدی. استرانات کَتی روبینس تامانیدن 2016 - ییل توشیریلگن فوتوصورت اوچون، «دنیا نینگ اینگ ییریک سادهلی کوللریدن بیری نینگ بیر بولیمینی اوز ایچیگه آلگن». - دیگن افادهلرگه اورین بیریلدی.
صباح گزیتهسی: روس سیاحلر، تورکيهگه بولگن قتناولرنینگ چیکلنیشیگه ناراضیچیلیک بیلدیردی سرلوحه سی بیلن خبر بیردی.
روس سیاحلر، دَم آلیش اوچون اینگ کوپ تورکيهنی تنلر ایکن قتناولرنینگ چیکلنیشی حقیدهگی خبردن بیزه اوته بولدیلر. اجتماعي ترماق آرقهلی اعتراضلر ناراضیچیلیکلرینی افاده ایتگن سیاحلر، قرارنینگ بیکار قیلینیشینی طلب قیلماقدهلر.