تورکیه نینگ مطبوعات خلاصه لری
تورکیه نینگ مطبوعات خلاصه لری
ستار گزیتهسی: تورکيهدن دانباس حقیده بیانات سرلوحه سی بیلن خبر بیردی.
جمهور رئیسلیک سوزچیسی ابراهیم قلین تورکيه نینگ، اوکراین نینگ بوتونلیگینی قوللب - قوّتلشینی بیلدیردی. شونینگدیک، قاره دینگیزده و منطقهده یوز بیرهدیگن هر قندهی بحران و توقنهشوونینگ همهگه زیان ییتکزیشینی اوز سوزیگه علاوه ایتدی. ابراهیم قلین، «تورکيه قریم تاتار خلقینی حمایه قیلیش و روسیه بیلن اوکراین اورتهسیدهگی معمالرنینگ مذاکره یولی آرقهلی حل قیلینیشینی خواهلهیدی» دیگن افادهلرگه اورین بیردی.
صباح گزیتهسی: تورکيه استه - سیکین آیگه قرهب یول آلماقده سرلوحه سی بیلن خبر بیردی.
ملي فضا دستوری دایرهسیده 2023 - ییلی آیگه یوباریلیشی ریجهلشتیریلگن انسانسیز فضا واسطهسیده فایدهلنیلهدیگن ملي و هایبرید راکیت موفقیتلی روشده سیناودن اوتدی. تورکيه نینگ اینگ ییریک راکت تیزیملریدن بیری بولگن سورس، دنیا نینگ تکنالوژیک اولهراق اینگ رواجلنگن هایبریت راکت ماشینی گه ایگه. راکت ماشینی نینگ بیر نمونهسی می آییده سینوپدن آتیلهدی.
حریت گزیتهسی: روسیهدن فضا مسألهسیده تکلیف کیلیب توشدی سرلوحه سی بیلن خبر بیردی.
روسیه نینگ انقره ایلچیسی الیکسیی ایرکهاو، تورکيه نینگ فضا کشفیاتی مسألهسیدهگی قیزیقیشیدن خبردار ایکنلیکلرینی بیلگیلب اوتگن حالده، «قوشنیمیزنی، اوزی نینگ فضا دستورینی باشلهتگنی اوچون تبریکلهیمیز» دیدی. تورکيه نینگ، فضا مسألهسی اوستیدن آلیب باریلگن تدقیقات ترماغیده آلیب باریلگن گلوبال فعالیتلرگه حصه قوشیشیگه ایشانچی کامل ایکنلیکلرینی تأکیدلهگن روس ایلچی، یورتی نینگ فضا فعالیتلری ترماغیده همکارلیککه آچیق ایکنینی بیلدیردی.
یینی شفق گزیتهسی: تورکيه ساغلیکنی سقلش توریزمیده دنیا مقیاسیده ایلک 10 ده سرلوحه سی بیلن خبر بیردی.
فاربیس مجله سی معلوماتیگه کوره 5 ییللیک پروجیکسیونده یوقاری اوسیشگه ایریشگن ترماقلردن ساغلیک توریزمی اینگ آلدینگیلر قطاریده. ترماق نینگ فعالیت حجمی هر ییلی اورتهچه 24 فایز نسبتیده آرتیش قید ایتماقده. تورکيه ساغلیکنی سقلش توریزمیده دنیا مقیاسیده ایلک 10 دولت قطاریده اورین آلماقده.
خبر تورک گزیتهسی: ایلک روس سیاحلرینی تشیگن اوچاق موغلاگه قوندی سرلوحه سی بیلن خبر بیردی.
روسیه پایتختی مسکوهدن 212 یولاوچی بیلن کوتریلگن اوچاق آقشام مِیلاس - بودروم قونلغه سیگه قاندی. اوچاقدن توشگن سیاحلر کیرهکلی ایشلر آرتیدن دَم آلیشنی ریجهلشتیرگن بودروم تومنیگه کیتیش اوچون قونلغه دن چیقدی. بو موسم خلقارا ترمینالده، اوتگن ییلگه نسبتاً آرتیش کوتیلماقده.