تورکیه نینگ مطبوعات خلاصه لری
تورکیه نینگ مطبوعات خلاصه لری
ستار گزیتهسی:«ابراهیم قلین نینگ اروپا بیرلیگی ملازملری بیلن اوچرهشووی نینگ آرتیدن بیانات» سرلوحهسی بیلن خبر بیردی.
خبرگه کوره، جمهور رئیسلیک سوزچیسی ابراهیم قلین تورکيه جمهور باشلیغی ایردوغان نینگ اروپا بیرلیگی کمیسیون باشلیغی اورسوله وان دیر لیین و اروپا کینگش رهبری چرلیس میچل بیلن بولگن اوچرهشووی آچیق، صمیمي و دوستانه روحده بولیب اوتگنلیگینی معلوم قیلدی. جمهور باشلیغی ایردوغان اوچرهشووده تورکيه نینگ اینگ اوستوار مقصدی اروپا اتفاقیگه تولیق اعضا بولیش ایکنلیگینی معلوم قیلدی.
یینی شفق گزیتهسی: «جمهور باشلیغی مجتمعیده اروپا بیرلیگی جلسه سی» سرلوحهسی بیلن خبر بیردی.
خبرگه کوره، اروپا کینگش رهبری چرلیس میچل جمهور باشلیغی ایردوغان بیلن اوچرهشووی نینگ آرتیدن بیرگن بیاناتیده «اروپا بیرلیگی تورکيه بیلن اقتصادي همکارلیک، کوچ و خلق ارا علاقهنی مستحکملش اوچون انیق کون ترتیب بوییچه همکارلیککه تیار»،-دیدی. لیین ایسه، «باجخانه اتفاقی نینگ جاري ایتیلیشیگه دایر موجود قیینچیلیکلرنی محاکمه قیلیب، قَیته شکللنتیریشگه حرکت قیلهمیز»، دیدی.
حریت گزیتهسی:«بلومبرگدن مقتاولی خبر» سرلوحهسی بیلن خبر بیردی.
خبرگه کوره، امریکا قوشمه ایالتلری نینگ «بلومبرگ» اقتصاد گزیتهسی آذربایجان نینگ تاغلی قارهباغ اوروشیده اوستون غلبه قازانیشیگه کتّه حصه قوشگن اساسي عامللردن بیری تورکيه قوراللی درانلری نینگ خدمتی ایکنلیگینی معلوم قیلدی. «بایقر کمپنیسی نینگ تب2 قوراللی درانلری لیبیا و آذربایجاندهگی اوروش نینگ تقدیرینی اوزگرتیردی»،-دیب یازهدی.
وطن گزیتهسی: « turkishsouq.com آرقهلی جهان بازاریگه صادرات عملگه آشیریلهدی» سرلوحهسی بیلن خبر بیردی.
خبرگه کوره، تورکيه ترانسپورت و زیربنا توزیلمهلر وزیری عادل قاره اسماعیل اوغلی « turkishsouq.com» پلاتفورمی آرقهلی انگلستان، ایتاليا، سویدن، پورتگال، روسيه، اوسترالیا، کانادا، برازیل و کبی 47 مملکتگه محصولات صادر قیلیش امکانیتی توغیلگنلیگینی بیلدیریب، «تخمیناً 300 مینگ ته محصولاتیمیز اوشبو پلاتفورم آرقهلی جهان بازاریگه صادرات قیلینهدی»، دیدی.
صباح گزیتهسی: «استانبول قونلغه سی 17 مینگ پرواز بیلن اروپاده بیرینچی اورینده» سرلوحهسی بیلن خبر بیردی.
خبرگه کوره، اروپا سیرو سفر تشکیلاتی EUROCONTROL نینگ مارچ آییگه دایر راپوریگه کوره، استانبول قونلغه سی 17 مینگ 407 پروازنی عملگه آشیریب، اروپاده بیرینچی بولدی.