تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیتهسی: «هجومگه تیارگرلیک آلگن جنگریلر یوق قیلیندی» سرلوحهسی بیلن خبر بیردی.
خبرگه کوره، تورکيه نینگ چیگره آرتی حربي عملیاتلری قیزغین دوام ایتماقده. تروریستلردن تازهلنگن حدودلرده تورک قوشینی خدمت کورسهتماقده. تورکيه چیگره حدودیگه یقینلشگن و مملکت حدودلریگه پنهانه اوتیشگه اورینگن جنگریلر انیقلنیب، کیرهکلی چارهلر کوریلماقده و تاثیرسیز وضعیت گه کیلتیریلماقده.
صباح گزیتهسی: «کروناویروسگه قرشی محلي دارو واسطهسینی ایشلب چیقریشده مهم ینگیلیک»سرلوحهسی بیلن خبر بیردی.
خبرگه کوره، انقره بیلیم یورتی تدقیقاتچیلری تامانیدن کروناویروسگه قرشی دارو واسطهسینی ایشلب چیقریش بوییچه فعالیتلر دوام ایتماقده. مذکور فعالیتلر جاري ییل آخریگچه یکونلنیشی ریجهلنگن.
حریت گزیتهسی: «وزیر کوروم: کانال استانبولنی عملی قیله میز» سرلوحهسی بیلن خبر بیردی.
خبرگه کوره، تورکيه اطراف-محیط و آبادانلشتیریش وزیری مراد کوروم قاره دینگیزنی ایگیی دینگیزی بیلن بیرلشتیریب تورهدیگن کانال استانبول پروژهسینی عملگه آشیریشلرینی، بونگه ایشانچی کامل ایکنلیگینی تأکیدلهدی. دولت باشلیغی ایردوغان نینگ «کانال استانبول پروژهسینی مطلقا عملگه آشیرهمیز» دیگن سوزینی ایسلهتیب، خلق منفعتی اوچون خدمت قیلهدیگن هر قندهی پروژهنی شاه اثرگه ایلنتیریشده دوام ایتیشینی معلوم قیلدی.
خبر تورک گزیتهسی: «تورکيه لوجستیک بوییچه مرکزگه ایلنهدی» سرلوحهسی بیلن خبر بیردی.
خبرگه کوره، تورکيه ترانسپورت و زیربنالر وزیری عادل قاره اسماعیل اوغلی کانال استانبول پروژه سی استانبول شهرینی جهان سوداسی نینگ مرکزي شهریگه ایلنتیریشینی بیلدیردی. «تورکيه رواجلنگن دنیا نینگ اینگ مهم سودا کوریدورلری اوستیده حکمرانلیک اورنهتگن دولت صفتیده کانال استانبول پروژهسی استانبول قونلغه سی، قتناو یوللری، سودا بندرلری، تیمیر یولی و لوجستیک مرکزلری بیلن بیرگه دنیا نینگ اینگ مهم مرکزیگه ایلنهدی»، دیدی.
ستار گزیتهسی: «اروپا بیرلیگی تورکيه بیلن ایجابي مناسبتلر کون ترتیبیگه اعتبارنی کوچهیتیردی» سرلوحهسی بیلن خبر بیردی.
خبرگه کوره، اروپا بیرلیگی کمیسیونی رهبری اورسوله وان دیر لیین و اروپا کینگش رهبری چرلیس میشل 6 اپریل کونی تورکيهگه تشریف بویورهدی. اروپا بیرلیگی ملازملری نینگ تورکيهگه تشریفی ایجابي مناسبتلر کون ترتیبیگه ثمرهلی حصه قوشیشینی ایتگن متخصصلر، لیبیا، سوريه و جَنوبي قفقازیا بحرانینی حل قیلیشده اروپا بیرلیگی نینگ تورکيهگه احتیاجی بارلیگیگه اعتبار قرهتدی. اولر «اروپا بیرلیگی تورکيه بیلن یقین بولیشگه حرکت قیلماقده» شکلیده ملاحظه بیلدیریشدی.