تورکیه نینگ مطبوعات خلاصه لری

وطن گزیته‌سی: چاناق قلعه دینگیز غلبه‌سی نینگ 106 - ییللیگی نشانلندی سرلوحه سی بیلن خبر بیردی.

 چاناق قلعه غلبه‌سی نینگ 106 - ییللیگی و 18 - مارچ شهیدلرنی یادگه آلیش کونی مناسبتی بیلن تاریخي گیلیبولو یریم آرالیده‌گی شهیدلر عابده‌سیده مراسم اویوشتیریلدی. اونده، چاناق قلعه داستانی نینگ قهرمانلری یادگه آلیندی. جمهور باشلیغی رجب طیب ایردوغا‌ن یوبارگن مکتوبیده، «تاریخ، توپراقلریمیزنی اشغال ایتیشگه اورینگنلرنی مغلوبیتگه اوچره‌تگن کوپلب عبرت سبقلری بیلن توله‌دیر» دیدی.

صباح گزیته‌سی: خلوصی آقردن امریکا قوشمه ایالتلری و یونان حقیده بیانات سرلوحه سی بیلن خبر بیردی.

ملي مدافعه‌ وزیری خلوصی آقر، امریکا قوشمه ایالتلری نینگ پی کاکا/ وای پی جی ترور تشکیلاتی بیلن ایمس تورکيه بیلن همکارلیک قیلیشی کیره‌کلیگینی، توغریسی نینگ هم بو ایکنینی قید ایتدی. یونان‌ نینگ ایسه ایگیی و اورته‌ ییر دینگیزیده‌گی اغواگر توسده‌گی حرکتلری نینگ قبول قیلینیشی امکانسیز ایکنینی بیلگیلب اوتگن آقر، «بولر، معمالرنی حل قیلیشگه حصه‌ قوشمه‌یدی. بولر بیلن هیچ نیمه‌ قیلینمسلیگینی همه‌ بیلیشی کیره‌ک» دییه گپیردی. 

ستار گزیته‌سی: اروپا اتفاقیدن یقینلشیش قدملری سرلوحه سی بیلن خبر بیردی.

 اروپا اتفاقی، تورکيه بیلن شرقي اورته‌ ییر دینگیزیده‌گی بحران نینگ آرتیدن پیدا بولگن ایجابي توسده‌گی مناسبتنی سقلب قالیش و معمالر نینگ حل قیلینیشی اوچون ملاقا‌تنی دوام ایتتیریش نیتیده. اروپا مقاملریدن بیری تورکيه‌ نینگ اروپا اتفاقی اوچون قنچه‌لیک مهم‌لیگینی ینه‌ بیر بار تأکیدله‌گن حالده، «امریکا قوشمه ایالتلری بیلن مذاکره‌لریمیزده تورکيه موضوعلردن بیرینی تشکیل ایتماقده. تورکيه، اروپا اتفاقی ترکیبیگه کیریشگه نامزاد دولتدیر. یقین قوشنی و ناتوگه اعضا. امریکا قوشمه ایالتلری بیلن اوچره‌شوو آلیب بارر ایکنمیز تورکيه حقیده روسيه یاکه ختای حقیده گپلشگنیمیزدیک  گپلشالمه‌یمیز» دیگن افاده‌لرگه ا‌ورین بیردی. 

حريت گزیته‌سی: تاتار: «مقصدیمیز شمالی قبرس تورک جمهوریتی حاکمیت مستقللیگینی قبول قیلدیریش» سرلوحه سی بیلن خبر بیردی.

 شمالي قبرس تورک جمهوریتی جمهور باشلیغی ایرسین تاتار، قبرس مسأله‌سی نینگ ملي حاکمیت و مستقللیک مسأله‌سی ایکنینی قید ایتدی. برچه‌ سعی - حرکتلری نینگ موجود شمالی قبرس تورک جمهوریتی حاکمیت مستقللیگینی قبول قیلدیریش ایکنینی تأکیدله‌گن تاتار، تورک عسکرلری نینگ ایسه آرالده هر دایم قالیشینی بیلدیردی.

خبر تورک گزیته‌سی: کسپیر، بیرینچی محلي تیلفونی ویه ف20نی ساتووگه قویدی سرلوحه سی بیلن خبر بیردی.

عقللی تیلفون ایشلب چیقرووچی کمپنیلر نینگ تورکيه‌ده فعالیت آلیب باریش تشبثلری دوام ایتر ایکن تکنالوژي‌ مارکی ‌کسپیر، بیرینچی محلي عقللی تیلفونینی ساتووگه قوییشنی تکلیف قیلدی. عقللی تیلفون ایشلب چیقریشنی باشله‌گنینی معلوم قیلگن کسپیرنینگ بیرینچی محلي مودلی ویه ف20 دیب قید ایتیلدی. تیلفوندن تشقری تابلیت و کامپیوتیر محصولاتلریده هم فعالیت آلیب بارگن ‌کسپیر، محلي تیلفون ایشلب چیقریش فعالیتلری بیلن آخرگی تکنالوژي‌لرنی تورک فایده‌لنووچیلر اعتباریگه حواله‌ قیلیش نیتیده ایکنینی اعلان قیلدی.