تورکیه مطبوعاتیدن خلاصه لر 12.02.2021

ستار روزنامه سی, تورکیه جمهوریتی جمهوررئیسی رجب طیب ایردوغان نینگ ینه بیر بار کووید 19 گه قرشی ایملنگن لیگی نی معلوم قیلماقده. 

خبرده, ایردوغان نینگ, اجتماعی ترماق آرقه لی بیرگن بیاناتیده, "ایککینچی مرته کووید 19 گه قرشی ایملندیم.  انشاءالله یقین کیله جکده برچه کیشی لرنی ایملش نی هدف قیلیب آلگن میز" دییه قید ایتگن لیگی بیلدیریلماقده. 

صباح روزنامه سی, تورکیه جمهوریتی تشقی ایش لر وزیرلیگی نینگ, امریکا قوشمه ایالتلری نینگ قماقده گی عثمان قوالا نینگ قوییب یوباریلیشی بوییچه بیاناتی گه قتتیق عکس العمل کورستگن لیگی نی بیلدیرماقده. 

خبرده, وزیرلیک تامانیدن بیریلگن بیاناتده, "هیچ بیر دولت یاکه کیمسه نینگ تورک محکمه لری و محاکمه پروسه سی توغریسیده بویروق بیریشی ممکن ایمس" دییه قید ایتیلگن لیگی ایسله تیلماقده. 

حریت روزنامه سی, تورکیه بیلن شمالی قبرس تورک جمهوریتی اورته سیده 2021- ییل مالی پروتکل اوچره شوو لری اوچون لیفکوشه گه تشریف بویورگن تورکیه جمهوریتی جمهوررئیسی نینگ اورینباسری فواد اوکتای نینگ, قبرس مسئله سی نینگ ییچیلیشی اوچون ایککی دولت لیک ییچیم یولی بوییچه قرارلی ایکن لیک لری نی بیلدیرگن لیگی نی معلوم قیلماقده. 

خبرتورک روزنامه سی, تورکیه جمهوریتی انرژی و طبیعی منبع لر وزیری فاتح دونمز نینگ طبیعی گاز نینگ تامین ایتیلیشی بوییچه مهم قدم لر تشلنگن لیگی نی بیلدیررایکن, "ایککی ته FSRU  (LNG دیپولش و گازلشتیریش بولیمی) نی فعال وضعیت گه کیتیردیک و LNG ترمینال لری میز نینگ ظرفیتی نی تقریباً ایککی برابر گه آشیردیک.  عینی دمده اوچینچی FSRU مرکزی هم جاری ییل ده فعالیت گه باشله یدی و شونده ی قیلیب طبیعی گاز بوییچه امکانیت لری میز کوچه یگن بوله دی" دییه قید ایتگن لیگی نی یازماقده. 

ینی شفق روزنامه سی, فرانسه نینگ رنس شهریده لو استانبول ناملی بیر رستورانتی بولگن ماوزیر تاشدیلان اسملی بیر تورک نینگ معلوم کون و ساعت لرده یوزلب اوقووچی گه تیکین گه طعام بیریاتگن لیگی نی معلوم قیلماقده. 

خبرده, تاشدیلان نینگ ساغلیق بوییچه بحران دن تاثیرلنگن اوقووچی لرگه یاردم اوچون بونده ی بیر ایش نی قیلیاتگن لیگی نی بیلدیرگن لیگی ایسله تیلماقده.

روزنامه, تاشدیلان نینگ اوشبو ایشی نینگ فرانسه نینگ نشراتی اورگان لری نینگ هم دقتی نی اوزی گه تارتگن لیگی نی معلوم قیلماقده.