تورکیه نینگ مطبوعات خلاصه لری

صباح گزیته سی: ایردوغان: تورکیه خلق ارا سرمایه کیریتووچیلرگه مهم فرصتلر یراتماقده.

جمهور باشلیغی رجب طیب ایردوغان خلق ارا سرمایه کیریتووچیلر اویوشمه سی تامانیدن اویوشتیریلگن "خلق ارا سرمایه کیریتیش" جلسه سیگه ویدیو پیام جونه تدی. ایردوغان "اولکه میز اینیقسه آسیا مقیاسیده تولید ترماغی گه الترناتیف قیدیرووده بولگن خلق ارا سرمایه کیریتووچیلرگه مهم فرصتلر یراتگن لیگی گه ایشانه من" دیدی.

یینی شفق گزیته سی: قاره اسماعیل اوغلی: ملی برقی ریل سیتی قطار تولیدی گه باشلندی"

ترانسپورت و زیربنا وزیری عادل قاره اسماعیل اوغلی "همه میزنی فخرلندیرگن پروژه میز ملی برقی قطار سیتی نینگ تولیدی گه باشلندی. 2020 ییلی نینگ ایلک پروتوتیف تیمیر یول گه توشیریلگن 2 ته سیت نینگ 2021 ییلی قطار تولدی گه باشله یمیز" دیدی.

حریت گزیته سی: مرکل شاهین و توره جینی مقته دی

آلمان باش وزیری آنگلا مرکل اولکه ده تورکچه و و آلمانچه نشرات بیرووچی بیر رادیوگه بیرگن بیاناتیده بیونتیچ نینگ قورووچیلریدن تورک کوچمن لرنینگ باله لری بولگن پروفیسور دوکتور اوغور شاهین و تورموش اورتاغی اوزلیم توره جی تامانیدن ینگی تور کروناویروس (کوید-19) گه قرشی واکسین تاپیشلری باعث خرسند ایکن لیگینی بیلدیردی. مرکل عین دمده تورکیه ده عایله گه قنچه اهمیت بیریلگن لیگینی بیلگنینی معلوم قیلیب " تورکلرده عایله بویوکلریگه انچه حرمت بیریله دی بیراق عایله کتته لرینی قوریقلش کیره ک. همجمعیتده وجود مقاومتی کوتریلگن حالده سیوگن انسانلر بیلن مصافه قوریش گه مجبورمیز" دیب گپیردی.

ستار گزیته سی: آفاد 10 اولکه گه 55 میلیون دالرلیک بشری یاردم ییتکیزیب بیردی

تورکیه آفت و عاجل وضعیتلر باشقرمه سی آرقه لی 2019 ییلی عاجل وضعیتلردن تاثیرلنگن 10 اولکه گه 55 میلیون دالرلیک بشری یاردم ییتکیزیب بیردی.

وطن گزیته سی: دنیانینگ اینگ کوچلی هوا کوچلری انیقلندی

گلوبال فایر پوور آتیده گی انترنیت سایتی تیارله گن دنیانینگ اینگ کوچلی هوا کوچلری گه ایگه اردولری رویخطیده تورکیه 1056 ته هوا واسطه سی بیلن 10 – اوریننی ایگلله دی. رویخطده 13 مینگ 362 عدد هوا واسطه سی بیلن امریکا قوشمه ایالتلری بیرینچی 3 مینگ 914 هوا واسطه سی بیلن روسیه ایککینچی اورینده توره دی.