تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیته‌سی: «ایردوغان: تورکيه ایندی فضا لیگیده کوچ سینه‌یدی» سرلوحه‌سی بیلن خبر بیردی.
خبرده یازیلیشیچه، تورکيه دولت باشلیغی رجب طیب ایردوغان تورکيه محلي و ملي ماهواره فعالیتلری بیلن ایندیلیکده خلق‌ارا میدانده رقابتلشه دیگن کوچگه ایگه بولگنلیگینی معلوم قیلدی. «بوتونله‌ی محلي امکانیتلریمیز بیلن عملگه آشیرگن ماهواره اوچیریش سیناولریمیز موفقیتلی یکونلندی. اوشبو سیناولرده 4 مرته فضاگه پروازنی عملگه آشیردیک»،-دیب ایتگن.
ستار گزیته‌سی: «آذربایجان غلبه‌سیده تورک درانلری نینگ رولی» سرلوحه‌سی بیلن خبر بیردی.
خبرگه کوره، امریکا قوشمه ایالتلری نینگ آذربایجانده‌گی سابق ایلچیسی مه‌تتهیو بریزه آذربایجان قوشینی ارمنیستانگه قرشی جنگ میدانیده بونچه‌لیک کتّه موفقیتگه ایریشیشی نینگ ینه بیر سببی تورکيه درانلری نینگ کوچی ایکنلیگینی معلوم قیلدی.
تورک درانلری نینگ اوته مهم درجه‌ده فایده‌سی بولگنلیگینی تیلگه آلگن بریزه، بو موفقیتنی مکمل دیب بهاله‌دی.
خبر تورک گزیته‌سی: «تورکيه دنیاده لوجستیک بوییچه سوپر کوچگه ایلنه‌دی» سرلوحه‌سی بیلن خبر بیردی.
خبرگه کوره، تورکيه آذربایجانگه تیمیر یول قوریشنی ریجه‌لشتیرماقده. بو حقده تورکيه ترانسپورت و زیربنا وزیری عادل قاره اسماعیل اوغلی معلوم قیلدی. تورکیه نینگ تیمیر یول لوجستیک ساحه سی بوییچه دنیاده سوپر کوچ بوله جگینی اورغوله گن قاره اسماعیل اوغلی نینگ تأکیدلشیچه، ریل قتناوی آذربایجان نینگ نخجیوان شهریگه یولگه قوییله‌دی. بو باره‌ده‌گی دستلبکی تدقیقاتلر یقین آره‌ده یکونلنه‌دی.
صباح گزیته‌سی: «دولتگه تسلیم بولگن تروریستلر سانی 200 گه ییتدی» سرلوحه‌سی بیلن خبر بیردی.
خبرده یازیلیشیچه، ترور تشکیلاتی پی کاکا صفیدن چیقیش و اوز خواهشی بیلن دولتگه تسلیم بولیش حالتلری دوام ایتماقده. توناون تورکيه نینگ شیرناق ولایتیده ینه بیر تروریست دولتگه تسلیم بولدی. معلوماتگه کوره، جاري ییلده پی کاکادن اجره لیب کیلگن 197 تروریست دولتگه تسلیم بولدی.
وطن گزیته‌سی: «بویینگ کمپنیسی تورکيه بیلن همکارلیک بیتیمی امضاله‌دی» سرلوحه‌سی بیلن خبر بیردی.
خبرگه کوره، تورکيه نینگ هواچیلیک و فضا صنایع کمپنیسی توسه‌ش و بایینگ کمپنیسی اورته‌سیده تورکيه‌ده تیرماپلا‌ستیک پرزه ایشلب چیقریش بوییچه همکارلیک شرطنامه‌سی امضالندی. تورکيه‌ده برپا ایتیله‌دیگن فابریکه ده محلي و ملي امکانیتلر بیلن جهان ستندردلریگه ماس تیرماپلا‌ستیک کمپازیت پرزه ایشلب چیقریله‌دی.
