تورکیه نینگ مطبوعات خلاصه لری

ستار  گزیته‌سی: «ایردوغان: عرقچی تروریزم غربده وبا کسل لیگی کبی ترقه‌لماقده» سرلوحه‌سی بیلن خبر بیردی.

خبرده یازیلیشیچه، تورکيه دولت باشلیغی رجب طیب ایردوغان «نسل قیرغینی: سریبرینیتسه‌دن عبرت آلیش» ناملی رهبرلر جلسه سیگه ویدیوئی پیام یول له‌دی. «اروپالیک مسلمانلر عرقچیبلیک خوفیگه اوچره‌ماقده. اولر نینگ حق و ایرکینلیگی آیاق آستی قیلینماقده»،-دیب ایتگن.

خبر تورک گزیته‌سی: «تورکيه‌دن یونان‌گه ناوتیکس جوابی» سرلوحه‌سی بیلن خبر بیردی.

خبرگه کوره‌، تورکيه تشقی ایشلر وزیرلیگی سوزچیسی حامی آقسوی یونان تورکيه‌ نینگ نائوتیکس اعلانی بیلن باغلیق بیاناتیگه مناسبت بیلدیردی. «یونان تورلی ادعالرگه تیه‌نیب، هر سفر ناوتیکس اعلانیدن سونگ، فعالیتلریمیزگه اعتراض بیلدیریشی بیهوده‌. مملکتیمیز خلق‌ارا حقوقدن کیلیب چیققن منفعتلری دایره‌سیده منطقه‌ده‌گی فعالیتلرینی دوام ایتتیره‌دی» دیب معلوم قیلدی.

یینی شه‌فه‌ک گزیته‌سی: «ارمنستان مغلوبیتینی اعلان قیلیشی کیره‌ک» سرلوحه‌سی بیلن خبر بیردی.

خبرده یازیلیشیچه، تورکيه تشقی ایشلر وزیری مولود چاووش اوغلی آذربایجانگه ینه‌ بیر بار همکارلیک بیان قیلیب‌ بیریش اوچون پایتخت باکوگه سفر قیدی. او سفری چاغیده آذربایجان دولت باشلیغی الهام علی یف بیلن اوچره‌شدی. علی یف تاغلی قاره‌باغده اوروش نینگ دوام ایتیشیگه ارمنستان باش وزیری نیکال پیشینیان عیبدار ایکنلیگینی معلوم قیلدی. «ارمنستان اوز مغلوبیتینی اعلان قیلیب، قوشینینی حدودلریمیزدن آلیب چیقیب کیتیشی کیره‌ک. کیلیشماوچیلیکنی مذاکره‌لر واسطه‌سیده حل قیلیش اینگ معقول یول حسابلنه‌دی»،-دیب ایتگن.

وطن گزیته‌سی: «تورکيه و آذربایجان انرژی بوییچه‌ همکارلیک کیلیشووی امضاله‌دی» سرلوحه‌سی بیلن خبر بیردی.

خبرگه کوره‌، تورکيه انرژی بازارینی ترتیبگه سالیش اداره‌سی (EPDK) بیلن آذربایجان انرژی بازارینی ترتیبگه سالیش اداره سی (AERA) اورته‌سیده الکتریک و طبيعي گاز بازاریده اوزارا ماسلیکنی تأمینلش بوییچه‌ همکارلیک کیلیشووی امضالندی.

صباح گزیته‌سی: «تورکيه‌دن منّتدارمیز» سرلوحه‌سی بیلن خبر بیردی.

خبرده یازیلیشیچه، هالیوود یولدوزی ارمند اسسنتی: «قاچقینلرگه کورسته‌یاتگن یاردملری اوچون تورکيه‌دن منّتدارمیز»، دیدی.

«تورکيه جوده‌ کتّه‌ سخيلیک بیلن کونگیللی روشده اوز وطنیدن هیده‌لگن میلیونلب قاچقین نینگ یوکینی ذمّه‌سیگه آلدی. میلیونلب یره‌دارنی بغریگه باسدی. تورکيه اوز برقرارلیگی خوف آستیده بولیشیگه قره‌مه‌ی، قاچقینلرگه قوچاق آچدی»،-دیب ایتگن.