تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک گزیته‌سی: «تورکيه ویتنام و کمبوچیاگه همدردلیک بیلدیردی» سرلوحه‌سی بیلن خبر بیردی.
خبرده یازیلیشیچه، تورکيه ویتنام و کمبوچیاه‌ده روی بیرگن طبيعي آفتلرده کوپلب انسانلر نینگ هلاک بولگنلیگی اوچون مملکت حکومتلری و خلقلریگه همدردلیک بیلدیردی.
تشقی ایشلر وزیرلیگیدن بیریلگن بیاناتده «ویتنام و کمبوچیاه‌ده لینفه و ننگکه طوفانی طفیلی یوزه‌گه کیلگن سیل و توپراق کوچکیلرده افسوسکی کوپلب انسانلر نابود بولگنیدن باخبر بولدیک. شو اوچون هلاک بولگنلر نینگ یقینلریگه، شو بیلن بیرگه ویتنام و کمبوچیاه خلقیگه چوقور همدردلیک بیلدیره‌میز»،-دییله‌دی.
حریت گزیته‌سی: «سکاریا گاز کانیده 40ته قودوق آچیله‌دی» سرلوحه‌سی بیلن خبر بیردی.
خبرده یازیلیشیچه، تورکيه قاره دینگیزده دستلب 320 میلیارد متر مکعب، آرتیدن ینه 85 میلیارد متر مکعب طبيعي گاز تاپیشگه موفق بولدی. تورکيه انرژی وزیری فاتیح دونمیز سکاریا‌ده‌گی طبيعي گاز کانیدن طبيعي گاز ایشلب چیقریش اوچون تخمیناً 40ته قودوق آچیلیشینی معلوم قیلدی. طبيعي گاز ایشلب چیقریش جریانی 2023 ییلده باشلنیشی ریجه‌لنماقده.
وطن گزیته‌سی: «تورکيه 2020 ییلنی اینگ کم ضرر بیلن یکونله‌گن دنیاده‌گی 3 دولتدن بیری بولدی» سرلوحه‌سی بیلن خبر بیردی.
خبرگه کوره، تورکيه سودا وزیری روخسار پیکجا‌ن دنیاده گلوبال خطر – کرونا‌ویروس پاندميسیدن تأثیرلنمه‌گن دولت یوقلیگینی معلوم قیلدی.
«اقتصادي رواجلنیش و همکارلیک تشکیلاتی نینگ (OECD) 16 اکتوبرده اعلان قیلینگن راپوریگه کوره، 2020 ییلده اقتصادی کسللیک عاقبتلریدن اینگ کم ضرر کورگن دولتلر ختای و جَنوبي کوریا‌دن کیین اوچینچی دولت تورکيه بولدی»،-دیب ایتگن
ستار گزیته‌سی: «شرقي اورته ییر دینگیزیده تورکيه نینگ اوستونلیگی آرته‌دی» سرلوحه‌سی بیلن خبر بیردی.
خبرده یازیلیشیچه، شمالي قبرس تورک جمهوریتیده ایرسین تاتار نینگ جمهور باشلیغی ایتیب سیلنیشی بیلن منطقه‌ده ینگی دور باشلنگنلیگی حقیده ملاحظه یوریتگن متخصصلر نینگ فکریچه، 46 ییلدیر یاپیق بولگن مره‌ش شهری نینگ آچیلیشی بیلن دولت ملي درآمدی ایکّی برابرگه آشه‌دی. شونینگدیک، قبرسلیک تورکلرنینگ آیاق آستی قیلینگن حق-حقوق و منفعتلری حمایه قیلینه‌دی همده تورکيه نینگ شرقي اورته ییر دینگیزیده قولی ینه-ده اوستون کیله‌دی.
صباح گزیته سی: بورسا استانبول 8 آی نینگ اینگ یوقاری سویه سیده
تورکیه تامانیدن کشف قیلینکگن طبیعی گاز کانیدن کیین توناون یوقاری قره ب بارگن استانبول بورساسی بیست 100 ایندیکسی 27 جولایده بولگن 1200 سویه سینی اوتیب کیتدی و 1209،47 بولدی. 8 آی نینگ اینگ یوقاری سویه سیده بولدی.
