تورکیه نینگ مطبوعات خلاصه لری
تورکیه نینگ مطبوعات خلاصه لری
وطن گزیتهسی:«مولود چاووش اوغلی سیرگیی لاوروف بیلن اوچرهشدی» سرلوحهسی بیلن خبر بیره دی.
خبرده یازیلیشیچه، تورکيه تشقی ایشلر وزیری مولود چاووش اوغلی توناون روسیه تشقی ایشلر وزیری سیرگیی لاوروف بیلن اوچرهشدی. بولیب اوتگن اوچرهشووده ارمنستان نینگ اوت آچیشنی توختهتیش قرارینی عمل قیلمهگنلیگی طفیلی آگاهلنتیریلیشی طلب قیلیندی.
صباح گزیتهسی:«اوروش جنایتیگه قول اورگن ارمنستانگه تورکيهدن اعتراض» سرلوحهسی بیلن خبر بیردی.
خبرگه کوره، تورکيه ملي مدافعه وزیرلیگی ارمنستان نینگ تینچ اهالی حدودلریگه نسبتاً هجومی طفیلی خلقارا دولتلرگه مراجعت قیلدی. «اوروش جنایتیگه قول اورهیاتگن ارمنستان ایندیلیکده اوت آچیشنی توختهتیش قرارینی آیاق آستی قیلماقده. ارمنستان صلح بیتیمیگه قرهمهی مسکونی منطقه لرگه هجوم قیلماقده. خلقارا همجمعيت ارمنستانگه قرشی چاره کوریشی ضرور»،-دیب مراجعت قیلهدی.
ستار گزیتهسی: «مدافعه و هواچیلیک صنایعیدهگی صادرات نینگ کتّه قِسمی آذربایجانگه» سرلوحهسی بیلن خبر بیردی.
خبرگه کوره، تورکيه نینگ مدافعه و هواچیلیک صنایعی سکتوری اوتگن آیده آذربایجانگه قیمتی 77 میلیون 167 مینگ دالرلیک صادرات عملگه آشیردی.
حریت گزیتهسی: «تیار کییم و نساجی محصولاتلری صادراتیده آرتیش دوام ایتماقده» سرلوحهسی بیلن خبر بیردی.
خبرده یازیلیشیچه، موتر سکتوری نینگ آرتیدن تورکيه نینگ صادراتی گه کتّه حصه قوشگن تیار کییم و نساجی سکتوری اوتگن آیده تخمیناً 1.8 میلیارد دالر قیمتیده محصولات صادر قیلدی.
خبر تورک گزیته سی: UEFA اولوسلر لیگیده روسیه بیلن تورکیه اوچره شدی
UEFA اولوسلر لیگی گروپ 3- بیلله شوویده روسیه ملی تیرمه فوتبال ماعه سی بیلن تورکیه ملی تیرمه فوتبال جماعه سی نینگ اوچره شووی 1-1 بیلن یکونلندی.
بیلله شووده میزبان روسیه نینگ گولینی 28- دقیقه ده میرانچوک مهمان تورکیه نینگ گولینی ایسه 62 – دقیقه ده کینان قرمان اوردی.