تورکیه نینگ مطبوعات خلاصه لری

خبر تورک روزنامه سی: تورکیه نینگ حق و منفعتلرینی هردایم هرجایده قوریقلش گه دوام ایته جکلرینی بیلدیردی

جمهور باشلیغی رجب طیب ایردوغان، آلمان باش وزیری آنگلا مرکل بیلن ویدیو کنفرانس آرقه لی اوچره شدی. یونان نینگ خودبین و حقسیز یانداشووی نینگ بعضی بیر اولکه لر تامانیدن قوللب – قوتلنیشی نینگ قبول ایتیلیشی نینگ ممکن ایمس ایکن لیگینی ایتگن ایردوغان جنابلری، خلق ارا قانوننی یوق قیلگن تشبثلرگه قرشی تورکیه نینگ حق و منفعتلرینی هردایم هرجایده قوریقلش لرینی اورغوله دی.

وطن روزنامه سی: ناتو اعلان قیلدی، تورکیه بیلن یونان اوچره شوو قرارینی قبول قیلیب آلدی

ناتو باش منشیسی جنس ستولتنبرگ تورکیه بیلن یونان نینگ اورته ییر دینگیزیده یوز بیرگن بحرانی بیلن تیگیشلی بیانات بیردی. ستو.لتنبرگ تورک و یونان ییتکچیلر بیلن قیلگن صحبتلریمده ایککی متفق اولکه اورته ییر دینگیزیده حربی توقنه شووگه توسیق بولیش میکانیزملرنی ایجاد ایتیش حادثه ریسکلرینی کمه یتیریش اوچون ناتوده تخنیکی اوچره شوولرگه باشلش اوچون کیلیشیب الدی" دیب افاده ایتدی.

صباح روزنامه سی: تورکیه: شرطسیز ملاقاتگه تیارمیز

تشقی ایشلر وزیرلیگی، ناتو باش منشیسی نینگ شرقی اورته ییر دینگیزی توغریسیده مسؤلیتنی بوینی گه آلگن لیگی بیلن تیگیشلی بیانات بیردی. یونان نینگ هم بونگه همکارلیک قیلیشی نینگ کوتیلگن لیگی تورکیه نینگ یونان بیلن اورته سیده گی برچه مسئله لرگه عادل و حقانیت گه ماس دایمی ییچیم تاپیلیشی اوچون شرطسیز ملاقاتگه تیار ایکن لیگی بیلدیریلدی.

حریت روزنامه سی: تورکیه پاندیمیده یوتوق قازاندی

امریکا تورک جمعیتی تامانیدن اویوشتیریلگن کوید-19 جریانی بیلن تیگیشلی دیبینار زنجیری نینگ بیرینچی مهمانی پروفیسور دوکتور مِحمد اوز بولدی. اوز تورکیه ده تطبیق ایتیلگن تداوی نینگ تفصیلاتی بوییچه سواللرگه جواب بیردی. تورکیه جوده یخشی یوتوق قازاندی. طب انسانلری تورکیه ده جوده یخشی ایش آلیب بارماقده. تخنیکلر یخشی بیر شکلده آلیب باریلماقده، دیدی. اوز تورکیه نینگ قرّی لری نینگ ایریم اولکه لرگه نظراً یخشی راق قوریقلنگن لیگینی ایتدی.

ستار روزنامه سی: تورکیه اوزاق مدتده انرژی مرکزی بولیشی ممکن

امریکا قوشمه ایالتلریده مزکزی بولگن جیوپولیتیک ریسک مصلحتچیلیک شرکتی " Gulf State Analytics " ده وظیفه دار ایرانلیک انرژی تیکشیرووچیسی امید شُکری تورکیه تامانیدن قاره دینگیزده کشف ایتیلگن 320 میلیارد متر مکعب طبیعی گاز منبعی نینگ منطقه ده ایریم منبعلرنینگ هم بولگن لیگینی کورستگن لیگینی شرطلر یراتیلگنده تورکیه نینگ منطقه نینگ انرژی مرکزی بوله جگینی ایتدی.