تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: آستانه جلسه سی آرتیدن تورکيه، روسیه و ایران سوريه مسأله‌سیده قوشمه بیانات نشر ایتدی.
تورکيه، روسیه فدراسیونی و ایران اورته‌سیده ویدیو کنفرانس یولی آرقه‌لی بولیب اوتگن جلسه آرتیدن، دولت رهبرلری تامانیدن توناون قوشمه بیانات نشر ایتیلدی. اونده، سوريه نینگ توپراق بوتونلیگی تأکیدلندی. ادلیب کیلیشوولری نینگ یولگه قوییلیشی و تینچلیک نینگ سقلنیشی قید ایتیلدی.
خبر تورک روزنامه سی: تورکيه، جنوب – شرق اروپا همکارلیگی جریانی 2020 – 2021 دَوري رهبرلیگینی قبول قیلیب آلدی.
تورکيه، جنوب – شرق اروپا همکارلیگی جریانی 2020 – 2021 دَوري رهبرلیگینی 1 ییللیگی گه قبول قیلیب آلدی. تشقی ایشلر وزیرلیگی تامانیدن موضوع حقیده بیریلگن بیاناتده، «یورتیمیز، فعالیتلرینی جنوب – شرق اروپا دولتلری نینگ اساسي پرینسیبی بولگن ‘منطقوي حمایه قیلیشع و ‘قمره‌ب آلیشلیک دایره‌سیده آلیب باره‌دی» دیگن افاده‌لرگه ا‌ورین بیریلدی.
وطن روزنامه سی: تشقی ایشلر وزیرلیگی اروپا بیرلیگی نینگ سیاحت قیلیش چیکلاولریگه اعتراض بیلدیردی.
تشقی ایشلر وزیرلیگی سوزچیسی حامی آقسوی، سیاحت قیلیش چیکلاولری حقیده‌گی اروپا اتفاقی نینگ توصیه قراریده تورکيه نینگ ا‌ورین آلمه‌گنی مسأله‌سیده، «اروپا بیرلیگی گه مجبوري بولمه‌گن سیاحت چیکلاولری نینگ 2020 - ییل نینگ 1 - جولاییدن اعتباراً بیکار قیلینیشی توصیه قیلینگن اوچینچی دولتلر حقیده قبول قیلینگن رویخط گه تورکيه نینگ کیریتیلمه‌گنلیگی بیزنی حیران قالدیردی. بو خطا نینگ، اینگ قیسقه وقت ایچیده توزه‌تیلیشینی کوته‌میز» دیدی.
ستار روزنامه سی: امریکا قوشمه ایالتلری ف-35 حقیده بیانات بیرر ایکن اونده، «تورک شرکتلری بیلن ایش آلیب باریشنی دوام ایته‌میز» دیدی.
امریکا قوشمه ایالتلری مدافعه وزیرلیگی ف – 35 نینگ بعضی پرزه لری اوچون 2022 – ییلگچه تورک شرکتلری بیلن فعالیت آلیب باریشنی دوام ایتتیریشینی قید ایتدی.
حریت روزنامه سی: اوکراین لیکلر دَم آلیش اوچون تورکيه‌گه کیلدی.
تورکيه بیلن اوکراین اورته‌سیده کوید – 19 گه قرشی کوره‌ش چاره - تدبیرلری دایره‌سیده وقتینچه‌لیک توخته‌تیلگن اوچیشلرنینگ باشلشی آرتیدن ایچیده 189 سیاح ا‌ورین آلگن اوچاق توناون انتاليا قونلغه سیگه قوندی. پاندیمي یوزه‌سیدن قتّيق چاره کوریلگن قونلغه گه کیلگن سیاحلر، «تورکيه‌نی جوده هم ساغینگندیک، سلام تورکيه» دیب ترما‌ل کمره‌لردن اوتدی
