تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه‌سی: دولت باشلیغی ایردوغان D-8 نی تشکیل تاپیشی نینگ 23 – ییللیگی مناسبتی بیلن تبریکله‌دی.
دولت باشلیغی رجب طیب ایردوغان دَوري رهبرلیگینی تورکيه یوریتگن رواجلنگن سکّیز دولت تشکیلاتی یعنی D-8 نی 23 – ییللیگی مناسبتی بیلن تبریکله‌دی. ایردوغان اوز پیامیده، « D-8اوروش اورنیگه تینچلیکنی، توقنه‌شوو اورنیگه ملاقا‌تنی، ایکّی یوزله‌مه‌چیلیک اورنیگه عدالت و ترقیاتنی، اوستونلیک اورنیگه تینگلیک، ایگه‌للب آلیش اورنیگه بولیشیش، باسیم و حکمرانلیک اورنیگه انسان حقلری، ایرکینلیک و دموکراسی نینگ حکمرانلیک قیلیشینی اوزیگه شعار قیلیب آلگن» دیگن افاده‌لرگه ا‌ورین بیردی.
ستار روزنامه‌سی: چاووش اوغلی بیلن ما‌س اوچره‌شدی.
تشقی ایشلر وزیری مولود چاووش اوغلی آلمان تشقی ایشلر وزیری هیکو ما‌س بیلن اوچره‌شدی. ایکّله وزیر تیلفون آرقه‌لی بولگن صحبتیده ینگی تور کرونا‌ویروس (کوید - 19) جریانیده عادي حیات شرایطیگه اوتیش، توریزم، سیاحت قیلیش مسأله‌سیده‌گی چیکلاولر نینگ بیکار قیلینیشی و جرمني نینگ اروپا بیرلیگی دَوري رهبرلیگینی یوریتگن پیتده‌گی تورکيه – اروپا بیرلیگی مناسبتلرینی قولگه آلدی.
خبر تورک روزنامه‌سی: چاووش اوغلی روس وزیرلر نینگ اوچره شیشلری نینگ کیینگه قالدیریلیشی حقیده بیانات بیردی.
تشقی ایشلر وزیری مولود چاووش اوغلی روسیه تشقی ایشلر وزیری سیرگیی لاوروف و مدافعه وزیری سیرگیی شویگوف نینگ استانبولگه بولگن سفرلری نینگ لیبیا‌ده‌گی توقنه شوونی توخته‌تیش کیلیشووی نینگ دایم سقلب قالینیشی اوچون بولیب اوته‌دیگن تخنیکي اوچره‌شوولرنینگ دوام ایتتیریلیشی مقصدیده کیینگه قالدیریلگنینی قید ایتدی. چاووش اوغلی، «روسلر بیلن بولگن اوچره‌شوولریمیزده هیچ قنده‌ی معما یوق» دیدی.
وطن روزنامه‌سی: عمر چیلیک، عملیاتلر دوام ایته‌دی.
عراق نینگ شِمالیده‌گی ترور تشکیلاتیگه قرشی اویوشتیریلگن پنجه – بورگوت عملیاتلریده نشانگه آلینگن 81 آدرس یوق قیلیندی. عدالت و ترقیات حزبی نینگ سوزچیسی عمر چیلیک، بشریت دشمنی ترور تشکیلاتلریگه قرشی کوره‌ش نینگ، تینچ اهالیگه زیان ییتکزمه‌ی دوام ایتتیریلیشینی قید ایتدی. چیلیک، «تورکيه بیر نیچه مسأله‌ده بولگنیدیک ترورگه قرشی کوره‌شده هم دنیاگه اورنکدیر» دیدی.
یینی شفق روزنامه‌سی: «بو یاردمنی هیچ قچان اونوتمه‌یمیز دیگن» ایتالیالیک وزیر تورکيه‌گه کیله دی.
ایتا‌ليا تشقی ایشلر و خلق‌ارا همکارلیک وزیری لوجی دی مائیو، 17 – جون هفته نینگ چارشنبه کونی تورکيه‌گه تشریف بویوره‌دی. اوتگن آیلرده تورکيه، ایتا‌ليا‌گه ینگی تور کرونا‌ویروس (کوید - 19) کسل لیگی گه قرشی کوره‌ش دایره‌سیده یاردم بیرگنیده دی مائیو، منّتدارچیلیک بیلدیریب، «بو یاردمنی هیچ قچان اونوتمه‌یمیز» دیگندی.
