تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق روزنامه سی: تورکيه‌ده یشش شرایطی تیزلیک روشده قَیته تیکلنماقده.
تورکيه‌ده یشش شرایطی ینگی تور کرونا‌ویروس (کوید - 19) پاندیميسی دایره‌سیده قَیته تیکلنیشنی دوام ایتتیرماقده. شو اساسده 65 یاشدن کتّه وطنداشلر هر کونی ساعت 10:00 دن 20:00 گچه تشقریگه چیقیش امکانیگه ایگه. 18 یاشدن کیچیکلر آته – آنه‌سی همراهلیگیده ایسته‌گن وقتیده تشقریگه چیقیشی ممکن. رستورانت، قهوه و قرائتخانه‌لرنینگ بیکیلیش ساعتی 22:00 دن 24:00 دیب اوزگرتیریلدی.سینما – تیاتر کبی صنعت مرکزلری معلوم قاعده‌لرگه موافق 1 – جولایدن اعتباراً خدمت بیره باشله‌یدی. نکاح دایره‌لری 15 – جوندن، تویخانه‌لر ایسه 1 – جولایدن اعتباراً خدمتگه توشه‌دی.
وطن روزنامه سی: چاووش اوغلی: "دنیا نینگ 125 ته دولتی نینگ طلبیگه جواب بیردیک" دیدی.
تشقی ایشلر وزیری مولود چاووش اوغلی، کرونا‌ویروس جریانیده تورکيه نینگ باشقه‌لرگه یاردم ییتکزیب بیریش مسأله‌سیده ایرته حرکت قیلگنینی ایسله‌تیب اوتگن حالده بوگونگچه یاردم سوره‌گن دنیا نینگ 125 ته دولتی نینگ طلبیگه جواب بیریلگنینی و بوندن بویان هم یاردم بیریش فعالیتلرینی دوام ایتتیرماقچی ایکنلیکلرینی قید ایتدی. چاووش اوغلی شونینگدیک، مهاجرلر نینگ معماسی مسأله‌سیده ایسه، «بیر اوزیمیز بو نینگ عهده‌سیدن چیقالمه‌یمیز. هم‌جهتلیککه احتیاجیمیز بار» دیدی.
حریت روزنامه سی: لیبیا حقیده‌گی قرارنی تورکيه بیره‌دی.
امریکا قوشمه ایالتلری نینگ سابق تشقی ایشلر وزیری اورین‌باسری میتیو بریزه Matthew Bryza، لیبیا اوردوسی تونترووچی حفتر کوچلریگه قرشی میدانده غلبه‌گه ایریشه باشلر ایکن بو حقده، «تورکيه بوندن بویان لیبیا حقیده قرار بیریش کوچیگه ایگه» دیدی. آرتیدن تورکيه‌نی «قیلگن ایشلری اوستیدن مقتنسه عرضيدیگن اولکه» دیب بهاله‌دی. بریزه، حفتر نینگ لیبیا‌نی بولیشگه و قولگه آلیشگه اورینگنینی قید ایتدی.
ستار روزنامه سی: تورکيه حق نینگ و ایزیلگنلرنینگ یانیده بولیشلیکنی تنله‌دی.
قطر نینگ انقره ایلچیسی سلیم مبار‌ک آلشافي 2017 – ییل نینگ 5 – جونیده بیر دوحه بیلن علاقه‌لرینی اوزگن سعودی عربستان، بیرلشگن عرب امیرلیکلری، بحر‌ین و مصر تامانیدن مملکتیگه نسبتاً یولگه قویگن چیکلاوگه 3 ییل بولگنینی ایسله‌تیب اوتدی. قطرلیک ایلچی، «تورکيه چیکلاولرگه قرشی اوزینی یامان نیتلیلردن اوزقالشتیریب پرنسیپلری اساسیده، حق و ایزیلگنلرنینگ یانیده بولیشلیکنی تنله‌دی. تورکيه نینگ تنلاوی، مناسبتی و سیاستلریگه لایق ایدی. تورکيه نینگ بو سعی – حرکتینی یوقاری بهاله‌یمیز» دیدی.
خبر تورک روزنامه سی: چیت ایلّیک سرمایه گذارلر اوچون قوله‌یلیک یرا‌تیلدی.
استا‌نبول اقتصاد مرکزی مقصدلریگه دایره سیده سرمایه بازارلرینی خلق‌ارا ستندردلرگه موافقلشتیریش یولیده‌گی حرکتلرینی دوام ایتتیرماقده. شو دایره‌ده خزینه‌چیلیک و مالیه وزیرلیگی، مرکزی بلجمده جایلشگن Euroclear Bank بانک بیلن همکارلیککه قول قویدی. بو نینگ نتیجه‌سیده چیت ایلّیک سرمایه گذارلر محلي بانکلرده حسابی بولمسه هم قوله‌یلیک بیلن تورک لیره‌سی، چیت ایل پولی گه ایریشه آله‌دی.
