تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق روزنامه سی:"ایردوغاندن یونان نینگ آیه صوفيه حقیده‌گی بیاناتیگه اعتراض» سرلوحه‌سی بیلن خبر بیردی.
خبرگه کوره، تورکيه دولت باشلیغی رجب طیب ایردوغان توناون آقشام تی آرتی نینگ مخصوص کورسه‌تووی مهمانی بولدی. دولت باشلیغی کورسه‌تووده کون ترتیبده‌گی مسأله‌لر بوییچه سواللرگه جواب بیردی. یونان نینگ ایه صوفيه حقیده‌گی افاده‌سیگه کیسکین مناسبت بیلدیرگن ایردوغان: «دییدیلرکی، «ایه صوفيه‌نی جامع مسجدگه ایلنتیرمنگ!» تورکيه‌نی کیم باشقریپتی؟ سیزمی یاکه بیزمی؟ اوزیزگه کیلینگ! اگر حددینگدن آشسنگ، تورکيه نیمه قیلیشنی یخشی بیله‌دی»،-دیب ایتدی.
خبر تورک روزنامه سی: «128 دولتدن 80 مینگ وطنداش تورکيه‌گه کیلتیریلدی» سرلوحه‌سی بیلن خبر بیردی.
خبرگه کوره، توناون تورکيه دولت باشلیغی و عدالت و ترقیات حزبی باشلیغی رجب طیب ایردوغان باشچیلیگیده توپلنگن آق حزب مرکزي باشقروو کینگشی ییغیلیشیدن سونگ حزب سوزچیسی عمر چیلیک مطبوعاتگه بیانات بیردی. «دنیاده گلوبا‌ل خطر - کرونا‌ویروس کسل لیگی باشله گندن بیری، 128 دولتدن توپلم 80 مینگدن آرتیق وطنداشمیز وطنگه آلیب کیلیندی. چیت ایلده کرونا‌ویروسدن وفات ایتگن 558 نفر وطنداشمیزدن 454 نفری نینگ جنازه‌لری تورکيه‌گه کیلتیریلدی»،-دیب معلوم قیلدی.
ستار روزنامه ه‌سی: "وزیر فخرالدین کوجه کرونا‌ویروس حقیده معلومات بیردی» سرلوحه‌سی بیلن خبر بیردی.
خبرگه کوره، تورکيه ساغلیقنی سقلش وزیری فخرالدین کوجه تویتر آرقه‌لی تورکيه‌ده‌گی کرونا‌ویروس بیلن باغلیق وضعیت حقیده معلومات بیردی. «تورکيه‌ده ویروسگه چلینگنلر سانیده قسماً آرتیش بار. بیراق، بونی ماسک تقیش و اجتماعي مصافه قوییش یولی بیلن توخته‌تیب قالیشیمیز ممکن. ویروسدن ساغه‌ییب کیتگن کسللریمیز سانیده کتّه آرتیش کوزه‌تیلدی. صنعي نفس آلیش جهازیگه احتیاج قالمه‌دی»،-دیب معلوم قیلگن.
حریت روزنامه سی: «تورکيه‌دن خارجگه 2000 ته تنفس ماشینی یوباریلدی» سرلوحه‌سی بیلن خبر بیردی.
خبرگه کوره، تورکيه صنایع و تکنالوژي وزیری مصطفی وره‌نک معلوم قیلیشیچه، تورکيه برازیل‌گه 1500 ته کوما حالت تنفس ماشینی یوباردی. «شو کونگچه تورکيه چیت ایل گه توپلم 2000 ته ماشین یوباردی»،-دیب ایتگن.
صباح روزنامه سی: تورکیه لیبیاده نفت قیدیره دی سر لوحه سی بیلن بیرگن خبرده
انرژی و طبیعی منبعلر وزیری فاتح دونمز، تورکیه نفت سهامی شرکتی نینگ لیبیاده نفت قیدیروو و ایشلب چیقریش فعالیتلری بیلن تیگیشیلی رخصت اوچون مراجعه قیلگن لیگینی معلوم قیلیب «لیبیا بیلن بولیب اوتگن کیلیشوو چوکاتیده 7 ته رخصت ساحه سی انیقله دیک. قریب 3 آی گچه جریان دوام ایته دی. 3-4 آی ایچیده سیمسیک قیدیرووگه باشله یمیز. بو جایدن آلینگن راپورگه کوره موقعیت تعیین قیله میز" دیدی.
