تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: «انگلستان نینگ سابق باش وزیریدن تورکيه‌گه منّتدارچیلیک»
انگلستان نینگ سابق باش وزیری گوردون براون کوید-19گه قرشی کوره‌شیشده کمکلشیش مقصدیده تورکيه تامانیدن یوباریلگن بشری یاردملر اوچون «یاردم اوچون تورک خلقیگه منّتدارچیلیک بیلدیرماقچیمن»،-دیدی.
تورکيه نینگ منطقه‌ده‌گی کوچیگه دقّت قره‌تگن براون: «امید قیله‌منکی، تورکيه کیلگوسیده نه‌فقط منطقه سیاستیده، بلکه آق دینگیزی منطقه‌سی سیاستیده هم فعال رول اوینه‌یدی»،-دیدی.
ستار روزنامه سی: «جاپان ده‌گی تنیقلی پروفیسور کنیکو نینگ تورکيه حقیده‌گی ایضاحی»
جاپان نینگ تنیقلی پروفیسورلریدن بیری ستوشی کنیکا تورکیه نینگ گلوبال پاندیمي‌گه قرشی کوره‌شیش جریانیده بوتون دنیاگه یاردم کورسه‌تگنلیگینی تقدیرله‌دی. جاپانلیک عالِم کنیکو: «تورکيه جهان ساغلیقنی سقلش تشکیلاتی نینگ توصیه‌لریگه عمل قیلگن حالده موفقیتلی نتیجه‌لرگه ایریشدی»،-دیدی.
خبر تورک روزنامه سی: «تورکيه‌دن محلي پول بیلن سودا»
تورکيه 2019 ییلی محلي پول لیره واسطه‌سیده 7.6 میلیارد دالرلیک صادرات، 11.1 میلیارد دالر قیمتیده واردات عملگه آشیردی. مقصد محلي پول بیلن سودانی ینه‌ده جانلنتیریشدیر. چین بیلن محلي پول واسطه‌سیده سودا قیلیش مسأله‌سی کوریشیلگن لیگینی معلوم قیلگن تورکيه سودا وزیری روخسار پیکجان: «ینه هم دارلزرب شرطنامه‌میز موجود. بو نینگ حجمینی ینه‌ده آشیریشیمیز ضرور. جنوبي کوریا، ملیزيا، هندوستان و جاپان بیلن محلي پول ده سودا قیلیش مسأله‌سینی محاکمه قیلیه‌بمیز»،-دیدی.
یینی شفق روزنامه سی: «تورکيه خبرلشوو ماهواره سی ایشلب چیقره‌دیگن 10 دولت قطاریدن جای آله‌دی»
تورکيه ترانسپورت و زیربنا وزیری عادل قاره اسماعیل اوغلی: «جمهوریت‌میز نینگ 100 ییللیگیده (2023 ییل) تورکيه دنیاده خبرلشوو ماهواره سینی ایشلب چیقره آلگن 10 دولت قطاریدن جای آله‌دی»،-دیدی.
«تورکسات A5 2020 ییل نینگ آخرگی چاره‌گیده، تورکسات B5 2021 ییل نینگ ایکّینچی چاره‌گیده، تورکسات A6 2022 ییلی فضاگه اوچیریله‌دی»،-دیدی
وطن روزنامه سی: «باشیگه 1 میلیون لیره قوییلگن قیدیرووده‌گی تروریست تسلیم بولدی»
تورکيه نینگ دياربکر ولایتی خوفسیزلیک باشقه‌رمسی تامانیدن قیدیرووده بولگن پی کاکا ترور تشکیلاتی ییتکچیلریدن بیری بولگن تروریست تسلیم بولدی. اونینگ باشیگه 1 میلیون لیره پول مکافاتی تیکیلگندی. تروریست حقاریده‌گی خوفسیزلیک کوچلریگه تسلیم بولدی. جاري ییلده دولتگه تسلیم بولگن تروریستلر سانی 82 نفرگه ییتدی.
