تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی "دنیاده ساغلیقنی سقلش تیزیمی بوزیلر ایکن تورکيه دنیانی حیرتگه قالدیرماقده"
استانبولده قوریلیش ایشلری یکونلنگن یشیلکوی پروفیسور دوکتور مراد دلمینیر عاجل کسلخانه‌سی ترمیمی یکونلنگن حدیمکوی دوکتور اسماعیل نيازیار کورتولموش کسلخانه‌سی جمهور باشلیغی رجب طیب ایردوغا‌ن اشتراک ایتگن مراسم بیلن آچیلدی. کوید-19 ترقه‌لیش جریانیده مهم رول اوینه‌یدیگن کسلخانه‌لر، شونینگدیک، ساغلیقنی سقلش توریزمی دایره‌سیده چیت ایللیک کسللر اوچون هم خدمت کورسه‌ته‌دیلر.
یینی شفق روزنامه سی "انگلیس میدیا ترماغیدن تورکيه‌گه مقتاو"
انگلستان نینگ دولت میدیا ترماغی بی بی سی، تورکيه نینگ کرونا‌ویروسگه قرشی کوره‌شی بیر موفقیت حکایه‌سی ایکنلیگینی بیلدیریب، مملکتیمیزنینگ سعی-حرکتلرینی یوقاری بهاله‌دی. کینت بیلیم یورتی دوکتوری جرمی روسمان، "تورکيه جوده کتّه بیر فلاکت نینگ آلدینی آلدی" دیگن عباره‌نی ایشله‌تگن حالده، جهان ساغلیقنی سقلش تشکیلاتی نینگ تورکيه‌ده‌گی نماینده سی دوکتور ایرشاد شا‌یق، "تورکيه، خلق ساغلیغی نقطه‌ی نظریدن دنیاگه بیره‌دیگن سبقلری بار" دییه بیلدیردی.
ستار روزنامه سی:" تورکیه قوراللی کوچلری: امریکا قوشمه ایالتلری، روسیه، فرانسه کبی اردولرنی آرتده قالدیردی"
تورکيه قوراللی کوچلری (تخمیناً 500 مینگ کیشی بولیشیگه قره‌مه‌ی تیزکار چاره‌لر نتیجه‌سیده دنیاده اینگ کم کرونا‌ویروس حالتلری قید ایتیلگن اوردولر قطاریگه کیردی. ویروسگه چلینگنلر سانی نینگ حاضرگی کونگه نسبتی حسابگه آلینسه، ایجابي حالتلر جوده کم بولگن تورکیه قوراللی کوچلری بو موفقیت بیلن امریکا قوشمه ایالتلری، روسیه، فرانسه، ایتا‌ليا و انگلیس کبی مهم قوشینلرنی آرتده قالدیردی.
وطن روزنامه سی " تورکيه بو ییل 486 پلجده ماوي بیراققه سزاوار بولدی"
بو ییل تورکيه‌ده‌گی 486 پلج ماوي بیراق بیلن تقدیرلندی. تمیزلیک کرونا‌ویروسدن کیین سیاحلیک اوچون اینگ مهم میزان بوله‌دی. تورکيه ماوي بیراق پلجلری بیلن دنیاده 3- ا‌ورینده سیاحت قیلیش اوچون ترجیح کوریلگن مملکت.
حریت روزنامه‌سی، « تورک هوا یوللری اوچاقلریده طعاملر یاپیق قوتیده ترقه‌تیله‌دی"
کرونا‌ویروس طفیلی پروازلرنی توخته تگن و قَیته باشله‌تگن تورک هوا یوللری (THY) طعاملنیش خدمتیده ینه بیر اوزگریش کیریتدی. شونگه کوره، اوچاقده تماس‌نی کمه‌یتیریش اوچون یاپیق قوتیده بیریله‌دی و چای و قهوه خدمتی یوق» دییه بیلدیریلدی.
