تورکیه نینگ مطبوعات خلاصه لری
تورکیه نینگ مطبوعات خلاصه لری
حریت روزنامه سی: "تورکيه تیزده نارمه‌ل حالتگه ایلندی"
ینگی تورده‌گی کرونا‌ویروس (کوید-19) پاندیمیسی گه قرشی موفقیتلی سیناودن اوتگن تورکيه‌ده 1- جوندن اعتباراً شهرلرارا سیاحت چیکلاولری بوتونله‌ی بیکار قیلینه‌دی. دولت خدمتچیلری ایشگه قَیته‌دیلر. کوندوزگی با‌قیش اویلری آچیله‌دی. یول یونه‌لیشلریده دَم آلیش مسکنلری خدمت کورسه‌تیشگه باشله‌یدی. سپورت مؤسسه‌لری ساعت 24 گچه خدمت قیلیشلری ممکن. پلا‌جلر، ملي باغلر و باغلر بیلگیلنگن قاعده‌لر اساسیده ایشلشگه تیار.
خبر تورک روزنامه‌سی: «کیمه توریزم ینگیدن باشله‌یدی»
"کوید-19" نینگ اوج آلیشی سببلی چیکلنگن تجارت کیمه‌لر قتناولری جون آییده اوز فعالیتینی قیته‌دن باشله‌یدی. پاندیمیگه قرشی کوره‌ش باره‌سیده توخته‌گن ترانسپورت و زیربنا وزیری عدیل قاره اسماعیل اوغلی، حاضرگی باسقیچ گه اعتبار قره‌تیب، تورکيه‌ده کوید-19 پاندیميسی گه قرشی کوره‌شده مهم قدملر قوییلدی، تورکيه‌ده کوپلب سکتورده بولگنیدیک تجارت کیمه‌لری و یاغاچ کیمه‌لری نینگ فعالیتی 1 جوندن اعتباراً قَیته باشلنه‌دی »دیدی.
صباح روزنامه سی: "تورکيه‌ده فوتبال لیگ‌لری 12 جون کونی باشلنه‌دی"
"کوید-19" نینگ اوج آلیشی سببلی 26-هفته‌ده‌گی اوچره‌شوودن سونگ توپلنگن سوپرلیگ‌ده هیجان ینه باشلنه‌دی. تورکيه فوتبال فدراسیونی (TFF) اوتگن موسمنی دوام ایتتیریشگه قرار قیلدی، او 12 جون کونی قالگن جایدن دوام ایتیشگه قرار قیلدی. سوپر لیگ 27-هفته‌ده‌گی مسابقه‌لر بیلن 12-جون کونی باشلنه‌دی. باشقه تاماندن، 7 جماعه نینگ تمثیلچیلری ایسه بیر آستگه‌توشیشنی هم آلیب تشلشنی تکلیف قیلدی
یینی شفق روزنامه سی: " Matthew Bryza: ترامپ ایردوغا‌ننی اورنک قیلیب آلیشی کیره‌ک"
امریکا قوشمه ایالتلری ایسکی اروپا-اوراسيا تشقی ایشلر وزیری نینگ علاقه‌لر بوییچه اورین‌باسری Matthew Bryza، تورکيه نینگ ینگی تور کرونا‌ویروس (کوید-19)گه قرشی موفقیتلی کوره‌شگنینی بیلدیردی. Matthew Bryza امریکا دولت باشلیغی دانلد ترامپ، جمهور باشلیغی رجب طیب ایردوغاندن اورنک آلیشی کیره‌کلیگینی ایتدی. تورکيه پاندیمیگه قرشی کوره‌شر ایکن اقتصادنینگ هم ویرانه‌گرچیلیک تأثیریدن هم اوزینی حمایه قیلدی دیگن Matthew Bryza، امریکا قوشمه ایالتلری و کوپلب اروپا دولتلری بونی بجره آلمه‌دی دییه قید ایتدی.
ستار روزنامه سی: "تورکيه نینگ SİHA لری الکترونیک اوروشگه قرشی جوده کوچلی"
سونگگی پیتلرده تیز-تیز تیلگه آلینه باشله‌گن تورک قوراللی اوچووچیسیز هوا واسطه‌لری (SİHA)، الکترونیک اوروشگه قرشی نمایشلری آدملرنی حیران قالدیرماقده. ایچکی خوفسیزلیک عملیات‌لریدن تشقری، سوريه، عراق شِمالیده، اورته ییر دینگیزی، اژه دینگیزی و لیبیا کبی کینگ جغرافيه لرده موجود بولگن تورک SİHA لر الکترونیک اوروشده اوزلری نینگ امکانیتلری بیلن اویینی اوزگرتیرووچی عامل صفتیده اجره‌لیب توره‌دی.
