تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی: "تورک عالِملری کروناویروسنی 15 ثانیهده اولدیرهدیگن اسبابنی پروزهلشتیردی"
استانبولدهگی مالتیپه بیلیم یورتی نینگ کوانت تدقیقاتلری آلیب بارهیاتگن پروفیسور دوکتور عفیف صدیقی و اونینگ جماعهسی کروناویروس پاندیمیسیگه قرشی کورهشده مهم بیر پروزهنی عملگه آشیردی. کوید-19 ویروسینی 15 ثانیه ایچیده اولتراویولا نورلری یاردمیده اولدیرهدیگن اوچته علیحده اسباب ایشلب چیقرگن فن جماعهسی، ایشلب چیقریلگن بیرینچی قوریلمهلر ساغلیقنی سقلش ساحه متخصصلری اوچون ایشلهتیلیشینی تأمینلهیدی.
ستار روزنامه سی : کروناویروسنی دوالشده ایشلهتیلهدیگن محلي دارولر نینگ بیرینچی قِسمی ساغلیقنی سقلش وزیرلیگیگه ییتکزیب بیریلدی»
عبدی ابراهیم باشقروو کینگشی رئیسی نزیح باروت، کروناویروسلی بیمارلرنی دوالشده ایشلهتیلهدیگن دارولرنی ساغلیقنی سقلش وزیرلیگیگه بیپول ییتکزیب بیریلیشینی معلوم قیلدی. " بیرینچی نوبتده 70 مینگ قطی دارو، 15 اپریلده ایشلب چیقرهمیز دیب قید ایتیب بو سفر 90 مینگ قطی نظرده توتیلماقده دیدی. خام اشیا موجود بولگن سری ساغلیقنی سقلش وزیرلیگی نینگ احتیاجی بولگن دارولرنی بیز ایشلب چیقریب اولرگه ییتکزیب بیرهمیز" دیب قَید ایتدی.
یینی شفق روزنامه سی : "اسپانیا تورکيه نینگ یاردملری اوچون منّتدار»
دنیانی ویران قیلگن کروناویروس پاندیمیسی جدّي بیر تأثیر کورسهتگن سپانیا نینگ برچه چقیریقلریگه قرهمهی، اروپا مملکتلری تامانیدن بیران بیر نقاب هم یوباریلمهدی. تورکيه ایسه یاردم چقیریقلریگه اعتبارسیز قالمهی، اسپانیاگه طبي تجهیزلر یاردمی یوبارگن ایدی. اسپانیا تشقی ایشلر وزیری ارهنچه گونزالیز لهیه، تورکيهگه سخاوتی اوچون منّتدارچیلیک بیلدیردی.
حریت روزنامه سی: «تورکیش کارگو، ساغلام بیر دنیا اوچون پرواز قیلیشده دوام ایتماقده»
تورکیش کارگو اوزی نینگ جغرافي اوستونلیگی، کوچلی فلوسی و رواجلنیش استراتیژيسی بیلن دنیاگه ضرور بولگن محصولاتلرنی آلیب یوریشده دوام ایتماقده. سونگگی ییللر کورسهتکیچی دایمي روشده اوسیب بارهیاتگن یوک تشووچی کمپنیلری ، آلیب یورهدیگن محصولاتلر، اینیقسه آزیق-طعام، دارو-درمان و طبیات بویوملری بیلن دنیا نینگ امان قالیشیگه یاردم بیرهدی. تورکیش کارگو کاوید-19 اوجیگه قرشی کورهش جریانیده اینگ مهم کوچینی دنیا نینگ خدمتیگه تقدیم ایتماقده.
خبر تورک روزنامهسی: «تورکيه نینگ میوه و سبزه جاتلریگه طلب آرتدی»
تورکيه نینگ ییریک قیشلاق خوجهلیک ایشلب چیقریش مرکزلری بولگن میرسین، هاتای و ادانه، ینگی میوه و سبزه جات صادراتی جنوری-مارچ آیلریده 2020 ییل نینگ بیرینچی چارهگیده تیز باشلهدی. تورکيه نینگ ینگی میوه و سبزه جات صادراتی 50 فایز اوسیب میرسین، هتای و ادانه 335 میلیون 352 مینگ 103 دالر صادراتی بیلن اوتگن ییل نینگ شو دوریگه نسبتاً 25.29 فایز نسبتیده اوسدی.