تورکیه مطبوعاتیدن خلاصه لر 27.03.2020

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, کرونا ویروس گه قرشی کوره ش دایره سیده بولیب اوتگن جی 20 رهبر لر ییغیلیشی گه ویدیوکنفرانس آرقه لی اشتراک ایتگن لیگی نی معلوم قیلماقده. 

خبرده, اوشبو رهبر لر ییغیلیشیده اردوغان نینگ, "خلق ارا اقتصادی بحران ده بولگن لیگی دیک زودلیک بیلن اقدام قیلیشی میز کیره ک.  هیچ بیری میز نینگ فقط گینه اوزی میزنی محافظه قیلیش سیاست لری آلیب باریش کبی بیر امکانیتی میز یوق.  جهان بویلب برچه انسان لر راحت بولگونگه قدر همه اولکه لرنی عادلانه بیر شکلده خلق ارا ساغلیق بحرانی گه قرشی کوره ش آلیب باریش گه چقیره من" دییه قید ایتگن لیگی ایسله تیلماقده. 

حریت روزنامه سی, تورکیه جمهوریتی جمهوررئیسلیک ارتباط لر ریاستی نینگ باشلیغی فخرالدین آلتون نینگ, "جهان بویلب تاثیر قالدیرمه گن بیر جای قالمه گن کرونا ویروس گه قرشی کوره ش بوییچه خلق ارا مقیاسده همکارلیک نینگ موجود بولیشی شرط.  اوشبو ویروس نینگ, اولکه لرنی خلق ارا همکارلیککه ضرر بیره دیگن ینگی یول لر قیدیریش گه مجبور قیلیشی گه اجازت بیرمس لیگی میز کیره ک" دییه قید ایتگن لیگی نی یازماقده. 

خبرتورک روزنامه سی, تورکیه جمهوریتی تشقی ایش لر وزیرلیگی سوزچیسی حامی آقسوی نینگ, دینگیز صلاحیت ساحه لری نینگ چیکله نیشی بوییچه اساسی قاعده لر ده اورین آلگن عدالتلی چیگره لنتیریش قاعده سی گه ضد حرکت قیلگن یونان نینگ, بیر ارال دولتی کبی کون ترتیبی گه کیتیرگن دینگیز صلاحیت ساحه سی توغریسیده گی ادعا لری نینگ "خلق ارا حقوققه ضد" ایکن لیگی نی بیلدیرگن لیگی نی ایسلتماقده. 

صباح روزنامه سی, کرونا ویروس نینگ جهان بویلب کینگ قولاچ یاییب کیتیشی آرتیدن اولکه لرنینگ تورکیه دن صابون طلبی نینگ آشیب کیتگن لیگی نی معلوم قیلماقده. 

خبرده, دنیا نینگ 40 دن آرتیق اولکه سی نینگ صابون ضرورتی نینگ تورکیه نینگ آیدین ولایتی دن تامین ایتیلیاتگن لیگی ایسله تیلماقده. 

ستار روزنامه سی, تورکیه بارلیق فوندی بیلن چین صادرات و کریدیت اداره سی نینگ, ایککی اولکه اورته سیده گی اقتصادی همکارلیک نینگ آرتیریلیشی اوچون 5 میلیارد دالرلیک کیلیشوو امضاله گن لیگی نی بیلدیرماقده.