تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی: فخرالدین آلتون، کرونا‌ویروسنی یینگیشده تورکيه نینگ قرارلی ایکنلیگینی قید ایتدی.
جمهور رئیسلیک علاقه‌لر بولیمی رهبری فخرالدین آلتون، «یوقاری خوف آستیده بولگنلر داخل برچه وطنداشلریمیزنی کسللیکدن سه‌قلب قالیشده قرارلیمیز» دیدی. آلتون، توناون تویتر آرقه‌لی موضوع حقیده انگلیس تیلیده قالدیرگن پُستیده، ینگی تورده‌گی کرونا‌ویروسگه قرشی کوره‌ش باره‌سیده، «تورکيه بعضی خلق‌ارا پروازلرینی توخته‌تیب، مصافه‌وي تعلیم تیزیمیگه اوتیش کبی چاره‌لرنی اوز وقتی کوریش آرقه‌لی کاوید-19 نینگ کینگ ترقه‌شینی موفقیتلی روشده آلدینی آلدی» دیدی.
صباح روزنامه‌سی: عدالت و ترقیات حزبی سوزچیسی عمر چیلیک کرونا‌ویروس حقیده بیانات بیردی. عمر چیلیک اونده، «ویروسگه قرشی چاره کوریشلیک یورتیمیز و بوتون انسانلر آلدیده‌گی وظیفه‌میزدیر. بیزگه اینگ یقین تورگن کیشیلرنینگ ساغلیگیگه اعتبار بیریشلیگیمیز، برچه‌گه تأثیر قیله‌دی. بو سیناودن کوریلگن چاره‌لرگه عمل قیلیش یولی آرقه‌لی اوتیشیمیز کیره‌ک» دیدی.
حریت روزنامه‌سی: برات آلبیراق، کرونا‌ویروس یول نقشه‌سینی معلوم قیلدی.
خزینه و مالیه وزیری برات آلبیراق کرونا‌ویروس گه قرشی تیارگرلیک کوریلگنینی قید ایتدی. آلبیراق، اونگه قرشی یول نقشه‌سی نینگ تیار ایکنلیگینی تویتیر آرقه‌لی معلوم قیلدی. ایشلب چیقریش و استخدام نینگ بوزیلیشیگه یول قویمسلیک اوچون محنت بازارینی حمایه قیلیش بیرینچی ا‌ورینده ایکنلیگینی ایسله‌تیب اوتگن برات آلبیراق، بازارلرگه ایریش یوللریده معمالر یوز بیرمسلیگی اوچون چاره کوریلگنینی، بو نینگ بوندن کیین هم دوام ایتیشینی قید ایتدی.
ستار روزنامه‌سی: بیراقدار TB2 اوچووچیسیز هوا واسطه‌سی اوکراینده هواگه کوتریلدی. اوکراین تامانیدن تورکيه‌دن خرید قیلیب آلینگن بیراقدار TB2 مودلده‌گی اوچووچیسیز هوا واسطه‌سی سیناودن اوتکزیلدی. اوکراین مدافعه وزیرلیگی تامانیدن موضوع حقیده یازمه روشده بیریلگن بیاناتده، «بیراقدارنی تیز سرعتده سیناودن اوتکزدیک و حربي سینشلرگه تیار» دییلدی.
یینی شفق روزنامه‌سی: تورکيه نینگ اسیلسان کمپنیسی طبي اسبابلر ایشلب چیقرماقچی. اسیسلسان، ساغلیقنی سقلش تکنالوژي‌لری ترماغیده هم تشقریگه بولگن قره‌ملیلیکنی کمه‌یتیرووچی، محلي و ایشلب چیقریش قابلیتلرینی آرتتیرووچی پروژه‌لر اوستیدن فعالیت آلیب بارماقده. شو دایره‌ده ساغلیقنی سقلش ترماغیده طبي اسبابلر ایشلب چیقریشی ریجه‌لشتیریلماقده. کمپنی بونی عملگه آشیره آلیش اوچون مملکتده‌گی و چیت ایلده‌گی شرکت و تدقیقات مرکزلری بیلن همکارلیک قیلیش نیتیده.
