تورکیه مطبوعاتی دن خلاصه لر 05.03.2020

حریت روزنامه سی, تورکیه جمهوریتی جمهوررئیسی رجب طیب اردوغان نینگ, حزبی نینگ وکیل لری بیلن قیلگن صحبتی ده, یونان و اوروپا بیرلیگی نی قتتیق تنقید قیلگن لیگی نی بیلدیرماقده. 

خبرده, اردوغان نینگ, "اوروپا بیرلیگی مهاجر لر توغریسیده زودلیک بیلن 350 +350 میلیون یورو یاردم نی مطرح قیلدی.  ایندی بونینگ یانیده 'کیمه, عسکر و سلاح هم یوباریش گه تیارمیز' دیماقده.  خوب, 10 ییل دن بیری مهاجر لرنی اوز بغری گه باسیب کیلگن تورکیه گه بونده ی بیر یاردم نی بیردینگیز می؟ ایککی یوزله مه چیلیک قیلماقده لر. بولرنینگ بیر یوزی ایمس, افسوس که کوپلب یوز لری بار.  صمیمی بولینگ" دییه قید ایتگن لیگی بیلدیریلماقده. 

صباح روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, اوروپا بیرلیگی عالی نماینده سی جوزیف بوریل گه اوروپا بیرلیگی نینگ ایندی مهاجر لر بیلن علاقه لی مسئولیت آلیشی کیره ک ایکن لیگی نی بیلدیرگن لیگی نی معلوم قیلماقده. 

خبرده, چاووش اوغلی نینگ, اوروپا بیرلیگی نینگ مهاجر لر بیلن علاقه لی تورکیه گه بیرگن وعده سی گه وفا قیلمه گن لیگی, ایندی مهاجر لر بوییچه مسئولیت نی تورکیه نینگ بیرته گینه اوزی نینگ قبول قیلیشی نینگ ممکن ایمس لیگی نی معلوم قیلگن لیگی ایسله تیلماقده. 

ستار روزنامه سی, آلمان ده باسیلیب چیقه دیگن در اشپیگل مجله سی یازوچی سی ماکسلیام پوپ نینگ, "مهاجر لر نینگ قیین چیلیک لری نینگ کمیتیریلیشی بوییچه بیرته گینه یول, اوروپا بیرلیگی نینگ ادلب ده اردوغان بیلن همکارلیک قیلیشی دن عبارت" دییه قید ایتگن لیگی نی معلوم قیلماقده. 

وطن روزنامه سی, تورکیه جمهوریتی قوراللی کوچلری تامانیدن باشله تیلگن بهار قالقانی عملیاتی نی قوللب – قوتلش اوچون تورکیه جمهوریتی نینگ هتای ولایتی نینگ ریحانلی تومنی نینگ سوریه چیگره سیده گی جُدَیده محلله سی یشاوچی لری نینگ, جُدَیده تپه سیده 6 مینگ کاشی نی بیرلشتریب کتته بیر تورک بیراغی تیارله گن لیک لری نی یازماقده. 

ینی شفق روزنامه سی, تورکیه نینگ گبزه تخنیک عالی بیلیم یورتی انجنیرلیک فاکولته سی انرژی سیستم لری بولیمی نینگ استادی پوهندوی دوکتور ارجان اوزدیمیر نینگ, کوریا ایلغار تکنالوژی و بیلیم انستیتوتی محقق لری بیلن بیرگه گلخانه ای گاز نی مصنوعی مایع یاقیلغی گه ایلنتیره دیگن بیر کاتالیزور اویلب چیقارگن لیگی نی بیلدیرماقده.