تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامه سی: «درحال تورکيه بیلگیلهگن حدوددن چیقمسه، ایلکهلری اوستیدهگی باشلری کیتهدی» سرلوحهسی بیلن بیرگن خبرده یازیلیشیچه،
تورکيه جمهور باشلیغی رجب طیب ایردوغان پایتخت انقره ده سوزگه چیقدی. «34 عسکریمیز شهید بولگن عملیاتلریمیزنی کینگ – کولملی وضعیت گه کیلتیردیک. اسد رژیمینی اینگ آغیر یوقاتیشلرگه اوچرهتدیک. اگر اسد کوچلری تورکيه بیلگیلهگن چیگرهدن تشقریگه زودلیک بیلن چیقیب کیتمسه، ییلکهلری اوستیده باشلری قالمهیدی»،دیب ایتگن.
خبر تورک روزنامه سی: «وزیر سویلودن یونانگه قاچقین بوییچه چقیریق» سرلوحهسی بیلن بیرگن خبرده یازیلیشیچه، تورکيه ایچکی ایشلر وزیری سلیمان سویلو یونان خوفسیزلیک کوچلری تامانیدن اروپاگه آتلنگن قاچقینلر و قاچقینگه قرشی گاز بومبهسی و سیس بومبهسی بیلن هجوم قیلدی. «یونان نینگ ذمّهسیگه توشگن وظیفه شوکی، چیگرهلریگه باش اوریب کیلگن انسانلر نینگ طلبلرینی بهالندیریب، مهاجر حقوقی جهتیدن اعتبارگه آلیب، اولرنی حمایه آستیگه آلیشدیر. بو جریانده یونان حکومتینی انسانگه یرهشهدیگن شکلده یول توتیشگه چقیرهمیز»،-دیب ایتگن.
یینی شفق روزنامه سی: «تورکيه ادلیبده تینچ اهالیگه ضرر ییتکزمسلیک اوچون جوده احتیاطکارانه حرکت قیلماقده» سرلوحهسی بیلن بیرگن خبرده یازیلیشیچه، بیرلشگن ملتلر تشکیلاتی نینگ سوريه بوییچه مستقل تیکشیروو کمیسیونی اعضاسی ههننی میگهللی: «تورکيه ادلیبده تینچ اهالیگه زیان ییتمسلیگی اوچون جوده احتیاطکارلیک بیلن حرکت قیلماقده»، دیدی.
حریت روزنامه سی: «تورکيهده توریزم جانلنماقده» سرلوحهسی بیلن بیرگن خبرده یازیلیشیچه، چینده ترقهلگن کرونا ویروس طفیلی کرویزر سیاحتی اویوشتیرگن کمپنیلر اوزاق شرققه سیاحتلرنی کنسل قیلیش گه باشلهدیلر. اوشبو کمپنیلر نینگ ینگی گذرگاهی قاره دینگیز بولدی. استانبولدن یولگه چیقه دیگن اولکن یولاوچی کیمهلری اوّلا سینوپ بندریگه اوچرهیدی، سونگره ترابزون و گرجستانده باطوم بندریگه توختهیدی. شونده ی بولیب، تورکيهده توریزم ینه-ده جانلنهدی.
صباح روزنامه سی: «انتالیاده ریکارد کیتیدن ریکارد…» سرلوحهسی بیلن بیرگن خبرده یازیلیشیچه، شو ییل نینگ جنوری آییده انتالیاگه کیلگن سیاحلر سانی 30 فایزگه آشدی.
بو توریزمده ینگی ریکارد دیمکدیر. شهرگه 2 آی ایچیده کیلگن سیاحلر سانی 388 مینگ 994 نفرنی تشکیل قیلهدی.