تورکیه مطبوعاتی دن خلاصه لر 10.01.2020

خبر تورک روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه نینگ لیبیا گه عسکر یوباریلیشی توغریسیده ملت اوله راق بیر ملت, بیر بیرق, بیر وطن و بیر دولت شعاری بیلن بیر یقه دن باش چیقاریاتگن لیگی نی بیلدیرگن لیگی نی معلوم قیلماقده. 

خبرده, "اوشبو مقدس کوره ش بوییچه هم موفقیت قولگه کیریته میز" دییه قید ایتگن اردوغان نینگ, اوز سوز لری نی, "برچه توسیق لر بیز نینگ کوچی میزنی ینه ده آرتیردی.  غلبه قازانگونگه قدر توخته شی میز و آرقه گه قدم تشله شی میز ممکن ایمس. قییرده بولیشی میز کیره ک بولسه او ییرده بوله میز و کیم بیلن مخالفت ایتماقچی بولسک مخالفت ایته میز" شکلیده دوام ایتتیرگن لیگی بیلدیریلماقده. 

وطن روزنامه سی, تورکیه جمهوریتی تشقی ایش لر وزیری مولود چاووش اوغلی نینگ عراق پایتختی بغداد ده عراق لیک کسبداشی محمد الحکیم بیلن مشترک مطبوعاتی کنفرانس ترتیب له گن لیگی نی یازماقده. 

خبرده, چاووش اوغلی نینگ, بیرگن بیانات لریده, "اوشبو سفر بیلن شونده ی پیام بیرماقچی میز: عراق یالغوز ایمس, قیین چیلیک لر نی ییچیش اوچون بیر یقه دن باش چیقاره میز. بیز عراق نینگ خارجی کوچ لرنینگ اوروش میدانی گه ایله نیب قالیشی نی خواهله میمیز" دییه قید ایتگن لیگی ایسله تیلماقده. 

حریت روزنامه سی, تورکیه جمهوریتی خزانه و مالیه وزیری برات آلبیرق نینگ, تورکیه نینگ میلادی 2019 – ییلده اقتصادی جهت دن کوتیلگندن آرتیق بیر مقیاسده موفقیت قولگه کیریتگن لیگی نی بیلدیرگن لیگی نی یازماقده. 

خبرده, آلبیرق نینگ, آلیب باریلگن سیاست لر سببلی کوپلب خلق ارا موسسه لر تامانیدن کوتیلگن وضعیت دن فرقلی اوله راق 2019 – ییل نی یخشی اوتکزگن لیک لری نی بیلدیرایکن, "2020- ییلده کوچی میز ینه هم آرتیب کیته دی" دییه قید ایتگن لیگی معلوم قیلینماقده. 

ینی شفق روزنامه سی, تورکیه نینگ ازمیر ولایتی نینگ قینیق تومنیده تقریباً 250 میلیون تن کومیر نینگ موجود ایکن لیگی نینگ انیقلنگن لیگی نی بیلدیرماقده. 

خبرده, خوددی شوو کومیر نینگ ییل ده 5 میلیون تن بوله دیگن شکلده 40 ییلده چیقاریلیشی نینگ ریجه لنگن لیگی ایسله تیلماقده. 

روزنامه, بیر نیچه آی کیین اوشبو معدن دن کومیر چیقاریله باشله نه دیگن لیگی گه دقت قره تماقده. 

ستار روزنامه سی, عدالت و توسعه حزبی نینگ سوزچیسی عمر چلیک نینگ, آسترالیا ده فرقلی سبب لر بیلن سانی حدسیز آرتیب کیتگن و سوو معما سی گه سبب بوله دیگن لیگی باعث تقریباً 10 مینگ تیوه نینگ اوریب اولدیریلگن لیگی خبری نی قیغو بیلن کوتیب آلگن لیک لری نی بیلدیرگن لیگی نی یازماقده. 

خبرده, آسترالیا حکومتی نی اوشبو معما گه فرقلی بیر ییچیم یولی تاپیش گه چقیرگن چلیک نینگ, "یانغین باعث انسان لر اولدی, حیوان لر, اوسیملیک لر و جانلی لر یوق بولدی.  بونده ی بیر شرایط گه تیوه لرنی اولدیریش کبی بیر فعالیت  نی هم قوشیمچه قیلیش جوده ناتوغری بیر حرکت دن عبارت" دییه قید ایتگن لیگی بیلدیریلماقده.