تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: ایردوغاندن بیاناتلر
ایردوغان ملي استخبارات تشکیلاتی (MİT) نینگ موفقیتلریگه توختهلدی. دولت باتشلیغی رجب طیب ایردوغان «قلعه» دیب تریفلنگن ملي استخبارات تشکیلاتی نینگ ینگی بناسی نینگ توناون بولیب اوتگن آچیلیش مراسمیده بیرگن بیاناتیده تشکیلات نینگ موفقیتلریگه توختهلدی. اونده، تشکیلات نینگ حساس حالتلرده مهم وظیفهلرنی اوز ذمّهسیگه آلگنلیگینی تأکیدلهگن ایردوغان، «اینیقسه سوريه بحرانی باشلهگن بیرینچی کوندن اعتباراً میدانده فعال رول اوینهگن تشکیلاتیمیزنینگ چیگرهمیز تشقریسیده موفقیتلرگه ییتیشیمیزدهگی رولی علیحده اورینگه ایگه. ایندیلیکده لیبیاده اوز ذمّهسیگه توشگن وظیفهلرنی لازم درجهده بجرماقده. شوندهی ایکن بوندن بویان هم دولتیمیز و خلقیمیز منفعتلرینی حمایه قیلیشلیکنی دوام ایتتیریشیگه ایشانچیم کامل» دیدی.
خبر تورک روزنامهسی: مولود چاووش اوغلی سلیماني حقیده بیانات بیردی.
تشقی ایشلر وزیری مولود چاووش اوغلی، قدس کوچی قومندانی قاسم سلیماني نینگ امریکا قوشمه ایالتلری تامانیدن اویوشتیریلگن هوا هجومی عاقبتیده اولدیریلیشی نینگ منطقه نینگ برقرارلیگیده جدّي خوف توغدیرگنلیگینی تأکیدلهدی. چاووش اوغلی توناون 2019-ییل نینگ تشقی سیاستینی بهالش اوچون مخصوص ییغیلیش اوتکزدی. اونده سلیماني نینگ اولدیریلیشی حقیده، «بو معما نینگ حل قیلینیشی یاکه بحران نینگ کمهیتیریلیشی اوچون یقین کونلرده باشقه دولتلر بیلن بیرگهلیکده فعالیت آلیب باریشلیکنی دوام ایتتیرهمیز» دیب گپیردی.
وطن روزنامهسی: تورکيهدن 4 آیده 158 مینگ تُن فیندیق صادر قیلیندی.
تورکيه 4 آیده 158 مینگ تُن فیندیق صادراتنی یولگه قوییش آرقهلی 1 میلیارد 93 میلیون 537 مینگ 514 دالر درآمد قولگه کیریتدی. قاره دینگیز فیندیق محصولاتلری صادراتچیلری اتفاقی تامانیدن توناون بیریلگن بیاناتگه کوره 2019-ییل نینگ 1-سپتامبریدن 31-دسامبریگچه بولگن وقتنی اوز ایچیگه آلگن 2019-2020 ییلدهگی صادرات موسمی نینگ دستلبکی 4 آییده ستندرد طبيعي فیندیق نینگ 100 کیلوگرامی اورتهچه 661 دالردن سوداگه چیقریلگن.
ستار روزنامهسی: اتوموبیل سکتوری 2019-ییلی اینگ یوقاری صادرات بوییچه ایکّینچی اورینگه کیریتیلدی.
اتوموبیل سکتوری نینگ 2019-ییلگی صادراتی 30.6 میلیارد دالرگه ییتدی. سکتور اوتگن ییلی صادرات بوییچه اینگ یوقاری ایکّینچی اورینگه کیریتیلدی و تشقی بازارده بیر آیده اورتهچه 2.55 میلیارد دالرنی قولگه کیریتدی.
حریت روزنامهسی: انتالیا توریزمی 2019-ییلی روس بازاریده ریکاغرد اورنهتدی.
اوتگن 2019-ییلی انتالیاگه کیلگن اوچ سیاحدن بیری روسلردن عبارت ایدی. انتالیادهگی ولایت مدنیت و توریزم ییتکچیلیگیدن آلینگن معلوماتگه کوره اوتگن ییلی شهرگه کیلگن چیت ایلّیک سیاحلر سانیده 2018-ییلگه نسبتاً 17.14 فایزلیک آرتیش کوزهتیلگن. انتالیانی 2019-ییلی تنلهگن 15 میلیون 644 مینگ 108 سیاح نینگ 5 میلیون 582 مینگ 763 نفری روسيهدن کیلگن.