تورکیه مطبوعاتیدن خلاصه لر 03.01.2020

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, 200- 250 مینگ مهاجر نینگ تورکیه چیگره سی تامان حرکت قیلگن لیگی نی بیلدیرگن لیگی نی یازماقده. 

خبرده, توناون جمهوررئیسلیک مجتمع سیده بولیب اوتگن بیر ییغیلیش جریانیده معروضه قیلگن جمهوررئیس اردوغان نینگ سوریه نینگ ادلب شهریده یوز بیریاتگن ینگی لیک لر نی بهالنتیرگن لیگی ایسله تیلماقده. 

روزنامه اردوغان نینگ, "200- 250 مینگ مهاجر چیگره میز تامان حرکت ایتگن وضعیتده.  ایریم تدبیر لر بیلن مانع بولیش گه حرکت قیلماقده میز. لیکن آسان ایمس.  اولر هم انسان.  اوزینگیز و باش پنه سوره ب سیز گه کیلگن کیشی لر گه قنچه لیک اهمیت بیرسنگیز شونچه لیک امنیتده سیز دیمک" دییه قید ایتگن لیگی نی بیلدیرماقده. 

وطن روزنامه سی, توناون تورکیه جمهوریتی پارلمانی عمومی کینگشی نینگ جمهوررئیسلیک نینگ لیبیا گه عسکر یوباریلیشی بیلن علاقه لی طلبی توغریسیده بحث ایتیش اوچون پارلمان باشلیغی مصطفی شنتوپ باشچیلیگیده فوق العاده ییغیلیش اوتکزگن لیگی نی معلوم قیلماقده.

خبرده, جمهوررئیس لیک نینگ اوشبو طلبی نینگ 325 مثبت رای بیلن قبول قیلینگن لیگی بیلدیریلرایکن,  شونده ی قیلیب ایندی تورکیه جمهوریتی حکومتی نینگ لیبیا گه عسکر جونه تیش صلاحیتی گه ایگه بولگن لیگی ایسله تیلماقده. 

روزنامه, تورکیه جمهوریتی قوراللی کوچ لری نینگ لیبیا ده گی وظیفه سی مدتی نینگ بیر ییل بوله دیگن لیگی نی یازماقده. 

خبرده, لیبیا گه یوباریله دیگن عسکر لرنینگ سانی و اوشبو عسکر لرنینگ قییرده وظیفه اجرا قیله دیگن لیگی نینگ جمهوررئیس اردوغان تامانیدن انیقله نه دیگن لیگی گه دقت قره تیلماقده. 

حریت روزنامه سی, تورکیه نینگ توریستیک شهریدن عبارت انتالیا گه میلادی 2019 – ییلده 15 میلیون دن آرتیق توریست کیلگن لیگی نی یازماقده. 

خبرده, انتالیا والیسی منیر قاره اوغلی نینگ, میلادی 2019 – ییلده انتالیا گه 15 میلیون 644 مینگ 108 توریست نینگ کیلگن لیگی نی بیلدیرگن لیگی معلوم قیلینماقده. 

ینی شفق روزنامه سی, تورکیه نینگ استانبول شهریده گی تاریخی قصر لر و سرای لرنی کیلیب کورگن داخلی و خارجی توریست لر سانی نینگ جوده هم آرتیب کیتگن لیگی نی بیلدیرماقده. 

خبرده, بیرته گینه دولمه باغچه قصری نی 1 میلیون 306 مینگ توریست نینگ کیلیب کورگن لیگی بیلدیریلماقده. 

روزنامه, اوشبو توریست لر دن 915 مینگ نفری نینگ چیت ایللیک توریست لردن عبارت بولگن لیگی نی معلوم قیلماقده. 

ستار روزنامه سی, تورکیه نینگ آدی یمان ولایتی نینگ تخته قلعه تومنیده روم امپراطورلیگی دوری دن قالگن مسکونی بیر نقطه نینگ تاپیلگن لیگی نی بیلدیرماقده. 

خبرده, ولایت نینگ فرهنگ و توریزم ریاستی تیم لری نینگ اوشبو خصوصده بیر راپور تیارلب فرهنگ و توریزم وزیرلیگی گه جونتگن لیگی گه دقت قره تیلماقده.