تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه سی: دولت باشلیغی ایردوغان: «تورکيه اتوموبیلی اوچون سفارشلرنی آله باشله‌دیک» دیدی.
دولت باشلیغی رجب طیب ایردوغان تورکيه نینگ بوندن بویان فقط‌گینه ینگی تکنالوژي‌لرنینگ بازاری بولیش بیلن‌گینه چیکلنیب قالمه‌ی عینِ وقتده تکنالوژي‌لرنی ایشلب چیقرگن، بوتون دنیاگه یایگن و اوزی قویگن ستندردلرنی قبول قیلدیرگن دولتگه ایلنیشده قرارلی ایکنلیگینی قید ایتدی. تورکيه‌ده ایشلب چیقریلگن اتوموبیل اوچون سفارشلرنی آله باشله‌گنلیکلرینی ایسله‌تیب اوتگن ایردوغان، «بو پروژه یورتیمیز اوچون اتوموبیل ایشلب چیقریشدن هم اعلی درجه‌ده‌گی کیله‌جککه ایگه‌دیر» دییه گپیردی.
وطن روزنامه سی: محلي اتوموبیل نینگ باشقه‌لریدن فرقی.
2022-ییلی بازارگه آلیب چیقیله‌دیگن تورکيه نینگ بیرینچی ابرقی اتوموبیلی ایکولوژینی تازه سقلشگه و بیر چارج آرقه‌لی 500 کیلومترلیک مصافه‌نی باسیب اوتیشگه یاردم بیره‌دی. او استانبولدن ایزمیرگچه بولگن مصافه اوچون 10 لیره‌دن هم کم پول صرفلش امکانی بیره‌دی. C-SUV روسومینی باشقه برقی اتوموبیللر بیلن قیاسله‌گودیک بولسه اونده اونینگ ایچکی حجمی نینگ کینگلیگینی و اینگ کم مالیتی طلب قیلگن خصوصیتلری بارلیگینی ایتیشیمیز ممکن.
ستار روزنامه سی: اقتصادگه بولگن ایشانچ 1.5 ییل نینگ اینگ یوقاری درجه‌سیگه کوتریلدی.
اوتگن ییل نینگ ایکّینچی یرمیده اسعار بازاریده‌گی ناتوغری هجوملر، جیوپولیتیک وضعیتلر و گلوبا‌ل سودا اوروشلری تأثیریده اقتصادي ایشانچ ایندیکسی 2018-ییل نینگ اکتوبر آییده 75.2 سویه‌سیگچه پسه‌یگن ایدی. حکومت و اقتصادي ترماق ییتکچیلری تامانیدن کوریلگن چاره‌لر و یولگه قوییلگن سیاستلرنینگ یاردمیده وضعیت ایجابي توس آلدی. اقتصادي ایشانچ ایندیکسی اوتگن آیگه نسبتاً 2.4، اوتگن ییل نینگ خوددی شو آییگه نسبتاً ایسه 11.8 درجه گه کوتریلگن حالده 1.5 ییل نینگ اینگ یوقاری درجه‌سیگه یعنی 93.8 سویه‌سیگه کوتریلدی.
حریت روزنامه سی: توریزمده ینگی ریکارد اورنه‌تیلدی. جاري ییل نینگ جنوری آییدن باشلب نوامبر آییگچه بولگن دور مابینیده تورکيه‌گه کیلگن سیاحلر سانیده اوتگن ییل نینگ شو دوریگه نسبتاً 14.31 فایزلیک آرتیش بیلن 42 میلیون 910 مینگ 408 نفر چیت ایلّیک سیاح کیلگنلیگی انیقلندی. نوامبر آییده ایسه 2018-ییل نینگ شو آییگه نسبتاً چیت ایلّیک سیاحلر سانیده 11.41 فایزلیک آرتیش بیلن 2 میلیون 190 مینگ 622 نفر سیاح کیلگنلیگی معلوم بولدی. ییل نینگ یکونیگه بیر آی قالگنیده توپلم سیاحلر سانی 48 میلیون 46 مینگ نفرگه يیتر ایکن بو آرقه‌لی تورکيه نینگ 51 میلیونلیک سیاح سانی ریجه‌سیگه ییتگنلیگینی ایتیش ممکن.
یینی شفق روزنامه سی: تورکيه، اروپا نینگ کارت بازاریده لیدرلیگینی سقلب قالدی. 2019-ییلی تورکيه‌ده کارت آرقه‌لی تولشلرده ایجابي توسده اوسیش کوزه‌تیلدی. نوامبر آیی نینگ آخریدن اعتباراً کارت سانی 234 میلیونگه ییتدی. تورکيه، اروپا نینگ کریدیت کارتلری بازاریده انگلستاندن، بانک کارتلری بازاریده ایسه آلماندن هم آلدینده یه‌نی بیرینچی قطارده ا‌ورین آلدی. کریدیت کرتلری آرقه‌لی عملگه آشیریلگن تولاولر 2019-ییل نینگ آخریده 17 فایزلیک آرتیش بیلن ییللیک 841 میلیارد لیره‌گه ییتگنلیگی کوزده توتیلماقده. خوددی شو دورده بانک کرتلری آرقه‌لی یولگه قوییلگن تولاولر ایسه بیر ییلده 36 فایزلیک آرتیش بیلن 134 میلیارد لیره‌گه ییته‌دی.
