تورکیه مطبوعاتیدن خلاصه لر 30.12.2019

وطن روزنامه سی, تورکیه جمهوریتی جمهوررئیسلیک سوزچیسی ابراهیم قلین نینگ توناون تلویزیونی بیر برنامه گه اشتراک ایتیب لیبیا مسئله سی نی بهالنتیرگن لیگی نی بیلدیرماقده. 

خبرده, لیبیا ده ملی وحدت حکومتی بیلن حفتر اورته سیده گی کیلیشوو نینگ آلدین حفتر تامانیدن بوزیلگن لیگی نی بیلدیرگن قلین نینگ, "حفتر نینگ توخته تیلمس لیگی تقدیرده, وضعیت سوریه ده گی اوضاع گه اوخشب قاله دی.  حفتر گه سلاح بیریلیاتگن لیگی نی همه بیله دی.  جنوری آییده آلمان ده بیر ییغیلیش بولیب اوته دی.  حفتر نینگ حمله لری نینگ دوام ایتیشی تقدیرده, برلین ده ییغیلیش اوتکزیش نینگ هیچ قنده ی بیر معنی سی یوق" دییه قید ایتگن لیگی معلوم قیلینماقده. 

صباح روزنامه سی, تورکیه جمهوریتی ملی مدافعه وزیری خلوصی آقر نینگ ادلب ده گی ینگی لیک لر آرتیدن توناون سوریه چیگره سی نی کوریب چیققن لیگی نی یازماقده. 

خبرده, خوددی شوو ییرنینگ اوزیده بیرگن بیاناتیده, آقر نینگ تورکیه نینگ ادلب شهریده حربی مرکز لردن چیقیشی نینگ ممکن ایمس لیگی نی بیلدیرگن لیگی ایسله تیلماقده. 

روزنامه, آقر نینگ, "آتش کسین نینگ تامین ایتیلیشی بوییچه قهرمان لر کبی وظیفه بجرگن 12 حربی مرکز نی هیچ بیر شکلده یاپیب قویشی میز ممکن ایمس.  بو ییردن چیقمیمیز. اوشبو مرکز لر گه هر قنده ی بیر حمله نینگ بحث موضوعی بولیشی تقدیرده زودلیک بیلن جواب قیتریلیشی بویروق بیریلگن" دییه قید ایتگن لیگی نی ایسلتماقده. 

ستار روزنامه سی, تورکیه جمهوریتی تشقی ایش لر وزیرلیگی سوزچیسی حامی آقسوی نینگ, توناون بیرگن بیاناتیده, انگلستان ده ترور تشکیلاتی پی کا کا/پی وای دی/وای پی جی اعضاسی چیت ایللیک ترورچی دان نیوی نینگ آته سی نینگ, تروریزم نی قوللب- قوتلَیاتگن لیگی سببلی اوشلنگن لیگی نی خرسندچیلیک بیلن کوتیب آلگن لیک لری نی بیلدیرگن لیگی گه دقت قره تماقده. 

حریت روزنامه سی, تورکیه نینگ سونگگی پیت لرده ایشلب چیقارگن یوک تاشیش ظرفیتی گه ایگه پیلوت سیز طیاره سی آقسونغور نینگ, ینگی ییل نینگ دستلبکی کون لری ده خوفسیزلیک کوچ لری تامانیدن استفاده ایتیله باشله نه دیگن لیگی نی بیلدیرماقده. 

خبرده, تورک هواچیلیک و فضا صنایع سی شرکتی نینگ عمومی رئیسی تامیل کوتیل نینگ, "اوشبو طیاره لردن ینگی ییل نینگ بیرینچی کونی یاکه جنوری آیی نینگ سونگگی دن باشلب استفاده ایتیله باشله نه دی" دییه قید ایتگن لیگی معلوم قیلینماقده. 

خبرتورک روزنامه سی, "سیلیستیال کریستال"  کیمه سی نینگ توناون تورکیه نینگ آیدین ولایتی قوش اده سی تومنی گه 675 یولاوچی کیتیرگن لیگی نی بیلدیرماقده. 

خبرده, کیمه دن توشگن کوپچیلیگی امریکالیک و انگلیس توریست لردن عبارت اوشبو کیشی لرنینگ, موتر گه مینیشیب افس و مریم آنه نینگ اویی نی باریب کوریب کوریش لری آرتیدن قوش اده سی دن کیتگن لیک لری ایسله تیلماقده. 

روزنامه, ایریم توریست لرنینگ ایسه قوش اده سیده بعضی نرسه لر خرید قیلگن لیگی نی معلوم قیلماقده.