تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
حریت روزنامه سی: «ایردوغان جانسن بیلن اوچره‌شدی»
دولت باشلیغی رجب طیب ایردوغان انگلستان باش وزیری بوریس جانسن بیلن تیلفون آرقه‌لی اوچره‌شدی. دولت رئیسلیکدن بیریلگن یازمه بیاناتده، اوچره‌شووده اینیقسه لیبیا و سوريه بیلن بیر قطارده منطقوي مسأله‌لر و ایکّی تامانلمه مناسبتلر محاکمه قیلینگن.
خبر تورک روزنامه‌سی: «آقر نینگ تینچلیک بولاغی عملیاتی باره‌سیده‌گی بیاناتی»
ملي مدافعه وزیری خلوصی آقر تینچلیک بولاغی عملیاتی بیلن تیگیشلی منطقه نینگ غربي و شرقیده هنوز هم ترورچیلر بارلیگینی و اولرنی کیچه - کوندوز کوزه‌تیب تورگنلرینی بیلدیردی. آقر، شونینگدیک تورکيه کوره‌شینی هم ساحه ده همده چوکی اوستیده اوزلوکسیز دوام ایتتیرگنینی بیلدیردی.
صباح روزنامه سی: «هجوملر توخته‌تیلمسه ادلیب شرطنامه‌سی ضرر کوره دی»
توناون دولت رئیسلیک محکمه‌سی 2019 ییل نینگ سونگگی ییغیلیشینی اوتکزدی. دولت باشلیغی سوزچیسی ابرا‌هیم قلین، اوچره‌شوودن سونگ بیرگن بیاناتیده، تورکيه نینگ سوريه ده رژیم نینگ تینچ اهالیگه قرشی هجوملرینی تیزده توخته‌تیب آتشکیسین توزمه‌گن تقدیرده ادلیب کیلیشووی گه ضرر یتگن بوله‌دی دیب آگاهلنتیردی.
ستار روزنامه سی: "گُل سکتوری صادرات بوییچه ریکارد اورنه‌تدی"
تورکيه بو ییل گل ساحه‌سیده 83 مملکتگه 110 میلیون دالر مقداریده گُل صادر قیلدی. سکتور نینگ کیلگوسی ییلگی ریجه‌سی 125 میلیون دالر مقداریده صادرات قیلیش. بو ییل اینگ کوپ صادرات قیلینگن اولکه هالند و اینگ کوپ صادرات قیلینگن گُل توری ایسه چینّی‌گلدیر.
وطن روزنامه سی: "تورکيه، تویتر و اینستگرا‌م فایده‌لنیشده بیرینچی قطارده "
دیلایت تامانیدن 7 ییل دوامیده اوتکزیلگن 2019 ییل مبایل فایده‌لنووچیلر نینگ گلوبا‌ل سوراو نتیجه‌لری اعلان قیلیندی. تورکيه تکنالوژي ، میدیا و تیلیکمونیکیشن لر صناعت باشلیغی متین اصلانتاش، تدقیقاتگه کوره، تورکيه اجتماعي میدیا فایده‌لنیشده بیرینچی ا‌ورینده دیب ایتدی، "تورکيه تویتر و اینستگرا‌م فایده‌لنیش جهتیدن بیرینچی ا‌ورینده توره‌دی دیب تأکیدله‌دی.
